LANKA NEWS PAPER


කතුවැකිය

බාලගිරි දෝෂය වැළඳුණු ඡන්දය

2017-02-26     (.......)

‘බාලගිරි දෝෂය අද නොවේ හෙට’ යැයි කුඩා දරුවන් සිටින නිවෙස්වල ඉදිරිපස ලියා තිබෙනු දැකිය හැකිය. එම`ගින් බාල ළමුන්ට වැළඳෙන ලෙඩ රෝග වළක්වා ගැනීමට හැකි යැයි ජනයා අතර මතයක් තිබේ. වත්මන් ආණ්ඩුව පළාත් පාලන ඡන්දය ද දමා ඇත්තේ මෙවැනි බාලගිරි දෝෂයක් ගාණටය. ඇමතිවරයා ‘‘දැන් ඔක්කොම හරි, තව තිබෙන්නේ අහවල් ටික විතරයි’’ ආදී වශයෙන් විවිධ කතා කීවද එන පාටක් පෙනෙන්නට නැත. මේ වන විට සියලූ පළාත් පාලන ආයතන පාලනය වන්නේ කොමසාරිස්වරුන් යටතේය. මැතිවරණය තැබිය යුතු කාලය වසරකටත් වඩා ප‍්‍රමාද වී තිබේ. මෙසේ මැතිවරණය කල් දැමීමට අදාළ සැබෑ හේතුව ආණ්ඩුවේ අභ්‍යන්තර අර්බුදය වුවත්, ඔවුන්ට රටට කියන්නට වෙනත් කතාවක් තිබේ. ඒ රාජපක්ෂ ආණ්ඩුව යටතේ 2012 වසරේ ගෙන එන ලද සංශෝධනයට අනුව මැතිවරණය පැවැත්වීමට නම් ඊට පූර්වයෙන් කළ යුතු සංශෝධන කඩිනමින් කර ගත නොහැකිය යන ප‍්‍රශ්නයයි. කලින් පැවති සමානුපාතික ක‍්‍රමය වෙනුවට නව ක‍්‍රමය ලෙස ගෙනැවිත් තිබෙන ඡුන්ද ක‍්‍රමය කේවල ක‍්‍රමය පදනම් කර ගත් එකකි. මනාප ඡුන්ද ක‍්‍රමය ඉවත් කළ යුතුය යන පදනමින් මෙය හඳුන්වා දුන්න ද නිසි අධ්‍යයනයක් තුළ එය සිදු වී නැති නිසාවෙන්ම වෙනත් ගැටලූ ගණනාවක් ඉස්මතු විය. ප‍්‍රධානම කරුණ සීමා නිර්ණ කටයුතු යළි සම්පූර්ණයෙන්ම කළ යුතු වීමයි. මේ පිළිබඳව පැවැති රාජපක්ෂ පාලනය යටතේ ආණ්ඩුවේ දේශපාලන අරමුණු සඳහා ඉතා පටු ලෙස සීමා නිර්ණ කටයුතු සිදුව පැවතීම නිසා වත්මන් ආණ්ඩුව බලයට පත් වූ පසු යළි සීමා නිර්ණයන් සිදු කරනු ලැබිණි. එයත් සම`ග පළාත් පාලන මන්ත‍්‍රී ධුර සංඛ්‍යාව 4,486 සිට 10,000ක් දක්වා ප‍්‍රමාණයකට ඉහළයාම අනෙක් බරපතල ගැටලූවයි. දැනටත් සමාජයට බරක් වී තිබෙන ‘මන්ත‍්‍රී නඩත්තුව’ තවත් දෙගුණයකටත් වඩා ඉහළයාම කිසිසේත් වත්මන් තත්ත්වයට ඔරොත්තු දෙන්නක් නොවනු ඇත. ඒ සම`ග දීමනා, පමණක් නොව ශාලා පහසුකම් පවා පුළුල් කිරීමට සිදුව තිබේ. තවත් ප‍්‍රධානතම ගැටලූවක් වන්නේ සියලූ මත දරන දේශපාලන ධාරාවන්ට මේ තුළ නියෝජනයක් නොලැබීමයි. එනම් කේවල ක‍්‍රමයට යාම තුළ ප‍්‍රධාන ධාරාවේ පක්ෂ දෙකට පමණක් නියෝජනයක් ලැබීමයි. මෙය සම්පූර්ණයෙන්ම ප‍්‍රජාතන්ත‍්‍රවාදය අතුගා දැමීමකි. මැතිවරණ පවත්වා නියෝජනයන් ඇති කිරීම ප‍්‍රජාතන්ත‍්‍රවාදයේ ප‍්‍රමුඛතම ලක්ෂණය ලෙස සැලකෙන නමුත් මේ ම`ගින් සිදුවන්නේ නියෝජනයන් අහිමි කිරීමයි. දැනටමත් මේ සම්බන්ධව දේශපාලන පක්ෂ ගණනාවක් තම විරෝධයන් ඉදිරිපත් කර තිබේ. පසුගියදා ඒකාබද්ධ විපක්ෂ කණ්ඩායමේ මාධ්‍ය සාකච්ඡුාවක දී ඩලස් අලහප්පෙරුම මන්තී‍්‍රවරයා ප‍්‍රකාශ කළේ නව පළාත් පාලන මැතිවරණ ක‍්‍රමය තුළ වූ මේ අඩුපාඩුව ප‍්‍රශ්නයක් බව පිළිගන්නා බවය. අනෙකුත් ප‍්‍රශ්න ලෙස ප‍්‍රකාශ වී ඇත්තේ නව මැතිවරණ ක‍්‍රමය සඳහා අවශ්‍ය වන සංශෝධන 57ක් පාර්ලිමේන්තුවට ඉදිරිපත් කර සම්මත කර ගත යුතු බවය. කාන්තා නියෝජනය ඉහළ දැමීම ආදී කරුණු ගණනාවක් ඒ තුළ අඩංගුය. මේ අනුව පළාත් පාලන මැතිවරණයට බාලගිරි දෝෂය උදා වී ඇත්තේ නව ක‍්‍රමයට මෙම මැතිවරණය තබන්නට යාම නිසාය. ඒ නිසා නව ක‍්‍රමයේ පවතින අවුල් ජාලයේ තව තවත් පැටලී නොසිට පැරණි සමානුපාතික ක‍්‍රමයට මැතිවරණය පැවැත්වීමට කිසිදු බාධාවක් ඇත්තේ නැත. යහපාලනය හා ප‍්‍රජාතන්ත‍්‍රවාදය තහවුරු කරන බවට පොරොන්දු දී බලයට පත් ආණ්ඩුවක් දින නියමයක් නොමැතිව මැතිවරණ කල් දමන්නේ නම්, එවන් ආණ්ඩුවකට බලයේ සිටීමට පවා සදාචාරාත්මක අයිතියක් නැත. පසුගියදා අගමැතිවරයා හමුවූ පක්ෂ නියෝජිතයන් රැුසක් කියා ඇත්තේ පැරණි ක‍්‍රමයට මැතිවරණය පවත්වන ලෙසය. ඒ අතර දෙමළ, මුස්ලිම් පක්ෂ සියල්ලද නියෝජනය වී ඇත. ජනතා විමුක්ති පෙරමුණද නව ඡුන්ද ක‍්‍රමය ප‍්‍රජාතන්ත‍්‍රවාදය හකුළන්නක් බවත්, ඒ නිසා පැරණි ක‍්‍රමයට මැතිවරණය පවත්වන ලෙසත් ප‍්‍රකාශ කර තිබේ. ඒකාබද්ධ විපක්ෂය ලෙස පෙනී සිටින කණ්ඩායමත් දැන් කියා ඇත්තේ එයයි. එසේ නම් තවත් බලා සිටින්නේ කවර හේතුවක් නිසාද? මැතිවරණය කල්දැමීම නිසා ප‍්‍රජාතන්ත‍්‍ර විරෝධී ආණ්ඩුවක් ලෙස ආණ්ඩුවට දැනටමත් චෝදනා එල්ල වී අවසානය. ඒ නිසා තමන්ගේ දේශපාලන අර්බුද සඳහා ජනතාවගේ ඡුන්ද අයිතිය උදුරා නොගෙන පළාත් පාලන මැතිවරණය කලින් තිබූ සමානුපාතික ක‍්‍රමයටම පැවැත්වීම ආණ්ඩුව මග හැර යා යුතු ප‍්‍රශ්නයක් නොවේ.

Read more

වඳුරන්ට දැලි පිහි දුන් පසු...

2017-02-19     (.......)

වඳුරාට දැලි පිහිය ලැබුණු විට විය හැකි බොහෝ දේ තිබෙන බව අපි දනිමු. මෙතෙක් කලක් බලය ලබා ගත් දේශපාලනඥයන් හැසිරී ඇත්තේ, දැලි පිහි අතට ගත් වඳුරන්ටත් අන්ත ලෙස බව සිදු වූ බොහෝ දේවලින් අපි අත්විඳ ඇත්තෙමු. අද සමාජයේ මහත් කතිකාවක් බවට පත්ව තිබෙන සයිටම් අර්බුදයද එයට කදිම උදාහරණයකි. සයිටම් ආයතනයට බඳවා ගන්නා සිසුවකුගේ හෝ සිසුවියකගේ පාඨමාලා ගාස්තුව එක්කෝටි විසිලක්ෂයකි. එනම්, සයිටම් යනු සල්ලි ආකරයකි. බලයට හා මුදලට කෑදර දේශපාලන වඳුරන් කළේ මේ සල්ලි ආකරය ඉහගෙන කෑමට පොරකෑමයි. තවත් දේශපාලනඥයන්ට තමන්ගේ, තම ඥාතීන්ගේ අඩු සුදුසුකම් සහිත දරුවන් වෛද්‍යවරුන්, වෛද්‍යවරියන් කර ගැනීමට ලැබුණු අනගි අවස්ථාවකි. සයිටම් බලධාරීන්ද, මෙකී වඳුරු දේශපාලකයන්ද එකට එක් වී ව්‍යාජ බේගල් කප්පරක් ඇතුළත් කරමින්, සකස් කළ වාර්තාවලින් ‘සයිටම්’ නම් කළු කඩය ආරම්භ කෙරිණ. හිටපු ජනාධිපති, මහින්ද රාජපක්ෂත්, එවකට උසස් අධ්‍යාපන ඇමති වූ එස්. බී. දිසානායකත් ඇතුළු ආණ්ඩුව මෙයට පූර්ණ රැුකවරණයත්, ආශීර්වාදයත් ලබා දුන්හ. වෛද්‍යවරයකු වීම ‘සුපිරි බලයක්’ ලෙස දකින සමාජ සංස්කෘතියක් තුළ දෙමව්පියන්ද, දරුවන්ද වෛද්‍ය සිහිනයෙන් අන්ධ කරන ලදුව සයිටම් වෙත ආහ. යහමින් මුදල් නැති අය ඉඩකඩම් උකස් කර ණය වී දරුවන් සයිටම් එකට දැමූහ. සයිටම් බලධාරීන් මවා පෙන් වූ ‘වෛද්‍ය පීඨය’ වෙනුවට සැබැවින්ම එහි වූයේ මොන්ටිසෝරියක් වුවද, සියල්ලෝම කට පියාගෙන සිටියහ. එවකට උසස් අධ්‍යාපන ඇමති එස්. බී. දිසානායක එයට විශ්වවිද්‍යාල ප‍්‍රතිපාදන කොමිසමේ අනුමැතියද ලබා දුණි. බඳවා ගන්නා පදනමේ සිටම එහි පැවැතියේ මෙවැනි කණගාටුදායක තත්ත්වයකි. මේ ප්‍රෝඩාවට හසු වී වසර ගණනාවක් පුරා එයට ඇතුළත් වූ සිසු සිසුවියන් අද අන්ත අසරණය. ඔවුන් වෛද්‍යවරුන් ලෙස රෝගීන්ට ප‍්‍රතිකාර කිරිමට පැමිණියහොත්, රෝගීන් අනාථය. දැන් මෙයට එරෙහිව රට පුරා විරෝධතාය. ඒ අතර සයිටම් කළු කබාය ආරක්ෂා කර ගැනීමට එහි ආරක්ෂකයෝ සිය සල්ලි ආකරය යොදවමින් සිටිති. ඒ අනුව හොරිකඩ වෘත්තීය සමිති ලොක්කෙකුත්, ආණ්ඩුව කරන ඕනෑම ප්‍රෝඩාවක් ආරක්ෂා කරන කලාකරුවකු යැයි කියන පුද්ගලයකුත් ආණ්ඩුවේ මාධ්‍යවල බෙරිහන් දෙන්නට පටන්ගෙන තිබේ. මේ වන විට ලංකාවේ සියලූ වෛද්‍ය පීඨවල සිසු සිසුවියන් මේ කළු කඩයට එරෙහිව පන්ති වර්ජනයකය. සියලූ විශ්වවිද්‍යාලවල උද්ඝෝෂණය. වෘත්තීය සමිති හරහා පෞද්ගලික අංශයේත්, රාජ්‍ය අංශයේත් සේවකයන් සයිටම් කළු කඩයට එරෙහිව විරෝධතාවයේය. විශේෂයෙන් වෛද්‍ය සංගම් සියල්ල විශාල විරෝධතා ව්‍යාපාරයන්ට අවතීර්ණ වෙමින් සිටිති. වෛද්‍ය පීඨ සියල්ලේම ආචාර්ය මණ්ඩල සයිටම් කළු කඩයට තම විරෝධය පළ කරමින්, වහා ම මේ ප‍්‍රශ්නය විසඳන ලෙසත්, නැත්නම්, තමන්ද දැඩි කි‍්‍රයාමාර්ග ගන්නා බවත් ආණ්ඩුවට අනතුරු අඟවා තිබේ. ජවිපෙ ඇතුළු දේශපාලන පක්ෂද, සිවිල් සංවිධානද ප‍්‍රබල විරෝධතාවක් ගෙන යමින් සිටිති. ජනාධිපති මෛත‍්‍රී, කෝකටත් තෛලය මෙන් සයිටම් ප‍්‍රශ්නයටද කොමිසමක් පත් කර තිබේ. ජනාධිපති මෛතී‍්‍රද පසුගිය ආණ්ඩුවේ සෞඛ්‍ය ඇමතිවරයා ලෙසද සිටි බව අමතක කළ යුතු නැත. අවසානයේ සිදුව ඇත්තේ, විසැඳුම් නොමැති අර්බුදයක් ඉතිරි වීම පමණි. කවර විසඳුමකට ගියත් ප‍්‍රශ්නය සම්පූර්ණයෙන් විසඳිය නොහැකිය. දැන් මේ ප‍්‍රශ්නයට වගකිව යුත්තේ කවුරුන්ද? සයිටම්හි ඉගෙනුම ලබන තරුණ, තරුණියන්ද මේ රටේ දරුවන් බව සැබෑය. ඔවුන් වැය කළ ධනය, ඔවුන්ගේ කාලය යළි ලබා ගත නොහැකිය. අනෙක් පසින් ගුරු, සිසු, ආචාර්ය බලවේගද, වෛද්‍යවරුන් ඇතුළු සෞඛ්‍ය කේෂ්ත‍්‍රයද සටනකය. අද මේ සියල්ලන්ට මේ අර්බුදයේ වන්දි ගෙවීමට සිදුව තිබේ. එහෙත්, බලයටත්, සල්ලි ආකරයටත් කෑදරකමින් වඳුරු වැඩ කළ දේශපාලනඥයෝ අදත් යෙහෙන් වැජඹෙති. ඔවුන්ට මේ කිසිදු ප‍්‍රශ්නයක් ප‍්‍රශ්නයක් ලෙස පෙනී නැත. මෙම වඳුරු දේශපාලකයන් බලයට පත් කළේ කවුරුන්ද? ඔවුන්ට ඡුන්ද ලබා දුන්නේ කවුරුන්ද? ඔවුන් ඇදබාන බේගල්වලට රැුවටුණේ කවුරුන්ද? ඒ මෙරට ජනතාවය. ඒ නිසා තවත් ආකාරයකින් මේ වගකීම ජනතාවටද පැමිණෙයි. සයිටම් වැනි කළු කඩයක් ඇරඹීමට මේ තක්කඩින්ට අවස්ථාව ලැබී ඇත්තේ, අධ්‍යාපනයේ පවතින අර්බුදය නිසාමය. උසස් පෙළ සමත් වන සිසු සිසුවියන් 1,50,000කින් පමණ සරසවි වරම් ලබන්නේ යාන්තමින් 30,000කට ආසන්න පිරිසකි. ඉතිරි සියලූ දෙනාම අසරණ වේ. මේ සියලූ දෙනාගේ උසස් අධ්‍යාපනය වෙනුවෙන් මේ රටේ වැඩපිළිවෙළක් ඇත්තේ නැත. කළු කඩකාරයන් රිංගන්නේ මේ හිඩැස්වලටය. මේ අධ්‍යාපන අර්බුදයේ එක් තැනක් පමණි. දරුවකුට පාසලක් ලබා ගැනීමේ ප‍්‍රශ්නය අද නාගරික දෙමව්පියන්ට මාරාන්තික ගැටලූවකි. තිබෙන පාසල් අතරද විෂමතාවය අහසට පොළොව මෙනි. ජාත්‍යන්තර පාසල් නමින් පෞද්ගලිික පාසල් ජාලයක් බිහිව ඇත්තේ, ඒ අනුවය. ඒවායේ ප‍්‍රමිතීන් ගැන කිසිවකු කතා කරන්නේ නැත. ඒ නිසා සයිටම් ප‍්‍රශ්නය සමස්ත අර්බුදයේ එක් ප‍්‍රකාශනයක් පමණි. වඳුරන්ට දැලි පිහිදීම නතර නොකරන්නේ නම්, අනෙක් සෑම ප‍්‍රශ්නයක්ම සයිටම් කළු කඩ ප‍්‍රශ්නය වැනි ප‍්‍රශ්න බවට පත් වීම වැළැක්විය නොහැකිය.

Read more
විද්වත් සාකච්ඡා

රෝගීන්ගේ ජීවිත වෙනුවෙන් සයිටම් පරාජය කළ යුතුයි ( සමස්ත ලංකා වෛද්‍ය නිලධාරීන්ගේ සංගමයේ ජාතික සංවිධායක වෛද්‍ය අසංග වික‍්‍රමසිංහ)

2017-02-26     (භාතිය ගුණෙස්න)

මේ මොහොත වෛද්‍යවරුන් බිහි කිරීම පිළිබද මතවාද දෙකක් දෝලනය වෙමින් පවතින මොහොතක්. සමාජයකට වෛද්‍යවරයෙකුගේ සේවය ව්‍යාප්ත විය යුත්තේ කෙසේද යන පැනයට වෛද්‍යවරයෙකු ලෙස ඔබේ පිළිතුර මොකක්ද? මිනිසෙක් උපත ලැබුවාට පස්සෙ මානසික සමාජීය සුවතාවයකින් පූර්ණ ආයු කාලයක් ජීවත් වීමේ ජෛව විද්‍යාත්මක විභවයක් තිබෙනවා. ඒක සෑම මනුෂ්‍ය ජීවියෙකුටම අදාළයි. නමුත් ඒ විභවය ජීවත් වන පරිසරය අනුව වෙනස් වෙනවා. අපි දන්නවා සෞඛ්‍ය විද්‍යාව සහ ඊට අදාළ අනෙකුත් විෂය ක්ෂේත‍්‍රයන් ලෝකය පුරා විකාශය වෙලා වර්ධනය වෙනවා. ජෛව විද්‍යාත්මක විභවය යථාර්ථයක් කර ගන්න මිනිස් වර්ගයාගේ උත්සාහය තුළින් තමයි දැනුම නිපදවෙන්නේ. ඒ දැනුම සෞඛ්‍ය විද්‍යාත්මක දැනුමක් විදියට වැඩිදියුණු වෙනවා. ඊට පස්සෙ අපි ඒවා ඉගෙන ගන්නවා. පසුව ඒ දැනුම ඉදිරි පරම්පරාවන්ට සම්පේ‍්‍රෂණය වෙනවා. ඒ දැනුම් පද්ධතියේ නියම අයිතිකාරයො තමයි පොදු ජනතාව. ඔවුන්ට වඩාත් නිවැරදිව ඒ දැනුම ඵලදායීව ලබා දීම ස`දහා විශේෂ විදියට පුහුණු කරපු පුද්ගලයෙක් තමයි වෛද්‍යවරයා කියල කියන්නේ. ඒ අනුව ශිෂ්ට සමාජයට වෛද්‍යවරයෙක් පත්කිරීම සදහා පුහුණුව ලබා දෙන්නෙ කොහොමද? ඒ පුහුණුවේ ස්වභාවය කොහොමද කියන කාරණා සියල්ලම පොදු ජනතාවගේ සෞඛ්‍ය අවශ්‍යතා සැලකිල්ලට ගනිමින් තමයි තීරණය කරන්නෙ. එතකොට ශිෂ්ට සමාජවල වෛද්‍ය විද්‍යාල බිහි වෙන්නෙ, ඒවාට අදාළ පුද්ගලයන් තෝරා ගන්නෙ, ඉගැන්වීමේ පටිපාටිය සකස් වෙන්නෙ පොදු සමාජය පිළිගන්නා විනිවිද පෙනෙන ආකාරයට. නමුත්, සයිටම් වගේ ආයතනයක් ශිෂ්ට සමාජය පිළිගන්නා  වූ විනිවිද පෙනෙන ආකාරයකට නෙමෙයි වෛද්‍ය අධ්‍යාපනය ස`දහා පුද්ගලයො තෝරා ගන්නේ. සයිටම් ආයතනයේ සමස්ත ක‍්‍රියාකලාපය ගැන විශ්වාසයක් තැබිය නොහැකියි කියන කාරණයද ඔබ මතු කරන්නේ? යම් රටක පුද්ගලයන් සෞඛ්‍යසම්පන්නද කියලා තීරණය වෙන්නෙ ඒ පුද්ගලයා ජීවත් වන රටේ සෞඛ්‍ය පද්ධතිය ක‍්‍රියාත්මක වන්නේ කොහොම ද කියන ආකාරය මත. සෞඛ්‍ය පද්ධතියක අරමුණ තමයි උපරිම කායික මානසික සෞඛ්‍ය මට්ටමක් සමාජ ආර්ථික භේදයකින් තොරව සැමට සාධාරණ අයුරින් ලබාදීම. සෞඛ්‍ය පද්ධතියක් තුළින් පොදු ජනතාව අපේක්ෂා කරන සාධාරණ බලාපොරොත්තු ඉෂ්ට වෙන්න ඕනෑ. ලෝක සෞඛ්‍ය සංවිධානය කියන ආකාරයට සෞඛ්‍ය ගැටලූ හේතුවෙන් ඇති වෙන්න පුළුවන් මූල්‍යමය අවහිරතා අවම කරන්න ඕනෙ. එතකොට අපිට මෙතැනදී බලන්න වෙනවා සයිටම් ආයතනය මඟින් සෞඛ්‍ය පද්ධතියේ කාර්යයට කොතරම් දුරට බලපෑමක් එල්ල කරනවාද කියන එක. ඒ නිසා ජනතාවගේ සෞඛ්‍යය උසස් අන්දමින් පවත්වා ගැනීමේ අභිලාෂයෙන් තොරව ව්‍යාපාරික අරමුණකින් යම් සුළු පිරිසකගේ අභිලාෂයන් ඉෂ්ට කිරීම තමයි සයිටම් ආයතනය හරහා කෙරෙන්නේ. ඒ නිසා මම වෛද්‍යවරයෙක් විදියට වගකීමෙන් ප‍්‍රකාශ කරනවා සයිටම් ආයතනය කියල කියන්නෙ රටේ ජනතාවගේ සෞඛ්‍යය බි`ද හෙළන සෞඛ්‍යය කෙරෙහි ඉතාමත් අයහපත් ආකාරයෙන් බලපාන ව්‍යාපෘතියක්. පසුගියදා සයිටම් ආයතනය ලියාපදිංචි කරන්න කියලා අභියාචනාධිකරණය විසින් නඩු තීන්දුවක් ලබා දුන්නා. ඒ නඩු තීන්දුව ගැන ඔබේ අදහස? සයිටම් ආයතනයේ ශිෂ්‍යාවක් තමන්ට තාවකාලික ලියාපදිංචිය ලබා දෙන ලෙස ඉල්ලමින් නඩුවක් ගොනු කරනවා. මෙහිදී අභියාචනාධිකරණය විසින් වෛද්‍ය සභාවට තමන්ගේ නිර්දේශ නොතකා හැරලා අදාළ ශිෂ්‍යාව වෛද්‍ය සභාවේ ලියාපදිංචි කරන්න කියලා නියෝග කරනවා. නමුත්, වෛද්‍ය සභාව දෙදහස් පහළොවේ සැප්තැම්බර් හතර වෙනිදා මහාචාර්යවරුන් දස දෙනෙකුගෙන් සමන්විත වාර්තාවක් මඟින් සයිටම් ආයතනයේ ශිෂ්‍යයන්ගේ සායනික ක‍්‍රියාකාරීත්වයේ දුබලකම අධිකරණයට පෙන්වා දෙනවා. ඒ වගේම ප‍්‍රජා වෛද්‍ය විද්‍යාව, අධිකරණ වෛද්‍ය විද්‍යාව වැනි ක්ෂේත‍්‍රවල තිබෙන න්‍යායික හා ප‍්‍රායෝගික දුබලකම් සහ සමස්තයක් වශයෙන් ගත්තාම මුළු පාඨමාලාවේම තිබෙන අඩුපාඩුකම් නිසා වෛද්‍යවරයෙකු ලෙස ක‍්‍රියා කිරීමේ හැකියාවක් ඔවුන්ට නැහැ කියලා වෛද්‍ය සභාව පෙන්වා දෙනවා. වෛද්‍ය ආඥා පනතේ පැවරිලා තිබෙන බලතල අනුව තමයි වෛද්‍ය සභාව එම නිර්දේශය කළේ. නමුත් අභියාචනාධිකරණය මෙතැනදී වෛද්‍ය සභාව විසින් කරපු නිර්දේශයන්ට බලාත්මක භාවයක් නැහැ කියලා තීරණය කළා. මොකද? වෛද්‍ය ආඥා පනත අර්ථ නිරූපණයන්ට අනුකූලව අදාළ ඇමතිවරයා වෛද්‍ය සභාව මඟින් කරන නිර්දේශය අනුමත කළ යුතුයි. නමුත් මේ ප‍්‍රශ්නයේදී සෞඛ්‍ය ඇමතිවරයා වෛද්‍ය සභාවේ නිර්දේශ අනුමත කරන්නෙ නැහැ. ඒ නිසා එහි නීතිමය වලංගුතාවයක් නැහැ කියල අධිකරණය ස`දහන් කරනවා. මෙතැනදී වෛද්‍ය සභාවට තමන්ගේ නිර්දේශ මත පදනම්ව සයිටම් ශිෂ්‍යාව ලියාපදිංචි නොකර සිටින්න බැහැ කියල අධිකරණය තීන්දු කරනවා. නමුත් විශේෂයෙන්ම කිව යුතුයි මේ නඩුවෙදි වෛද්‍ය සභාව හැර අනෙකුත් සියලූම රජයේ ආයතන අධිකරණයේදී කරුණු දැක්වූයේ සයිටම් ආයතනයට වාසි වන ලෙස. ඒ නිසා තමයි මෙවැනි තීන්දුවක් ලැබිලා තිබෙන්නේ. ඒ කියන්නෙ මේ නඩු තීන්දුව ගැටලූ සහගතයි? වෛද්‍ය ආඥා පනත පදානුගත රීතීන් අර්ථ නිරූපනය කිරීම නිසා අදාළ ආඥා පනත පැනවීමේ අභිප‍්‍රාය අධිකරණය විසින් නොසලකා හැරලා තිබෙනවා. එය ඉතාම බරපතළ නොසලකා හැරීමක්. මොකද වෛද්‍ය ආඥා පනතේ ප‍්‍රධාන පරමාර්ථය වෙන්නෙ රෝගීන් ආරක්ෂා කිරීම. නමුත් අධිකරණය එම මුඛ්‍ය පරමාර්ථය ව්‍යවස්ථාදායකය විසින් වළක්වන්න හදපු අනර්ථය ගැන සැලකිල්ලක් යොමු කරලා නැහැ. ඒ නිසා අධිකරණය මේ ප‍්‍රශ්නය ගැන ලබා දීලා තිබෙන තීන්දුව ව්‍යවස්ථාදායකයේ අභිප‍්‍රාය නොසලකා, රෝගීන්ගේ ආරක්ෂාව නොසලකා ලබා දුන් තීන්දුවක් හැටියට තමයි මම දකින්නේ. අභියාචනාධිකරණ නඩු තීන්දුව පිළි ගන්නෙ නැහැ කියන්නෙ වෙනත් නීතිමය ක‍්‍රියාමාර්ගයක් ගත යුතුයි කියන එක නේද? අභියාචනාධිකරණ තීන්දුවක් ලබා දීලා තිබෙනවා. නමුත්, අභියාචනාධිකරණය කියන්නෙ අපේ රටේ උසස්ම අධිකරණය නෙමෙයි. උසස්ම අධිකරණය වෙන්නේ ශ්‍රේෂ්ඨාධිකරණය. ඒ නිසා වෛද්‍ය සභාව තීරණය කරලා තිබෙනවා ශ්‍රේෂ්ඨාධිකරණයට මේ සම්බන්ධව අභියාචනයක් ඉදිරිපත් කරන්න. ඒ නිසා මේ අධිකරණ තීන්දුව වෛද්‍ය සභාව පිළිගත යුතු නැහැ. ශ්‍රේෂ්ඨාධිකරණය විසින් දෙනු ලබන තීන්දුව කුමක්ද කියල අපිට බලන්න පුළුවන්. ශ්‍රේෂ්ඨාධිකරණ තීන්දුවෙන් සෑහීමකට පත්වෙන්නත් බැරිනම් අපිට ජාත්‍යන්තර අධිකරණයක් දක්වා යන්න පුළුවන්. යම් කිසි නීතියක් අසාධාරණ නම් ඒ නීතිය මඟින් අනර්ථයක් වෙනවා නම් ස්වාභාවික යුක්තිය අනුව අදාළ නීතිය නොපිළිගෙන ඉන්න අපට පුළුවන්. ඒ නිසා අධිකරණ තීන්දු පිළිගැනීමට වෛද්‍ය සභාව බැ`දිලා නැහැ. මේ තත්ත්වයන් තුළ ආණ්ඩුවේ ඇමැතිවරුන්ගෙන් වෛද්‍ය සභාවට විවිධාකාරයේ බලපෑම් එල්ල වෙමින් තිබෙනවා නේද? වෛද්‍ය සභාවට බලපෑම් එල්ල වුණු පළමුවෙනි අවස්ථාව මේක නෙමෙයි. එස්. බී. දිසානායක ඇමතිවරයා දෙදහස් එකොළහේ අගෝස්තු තිස් වෙනිදා සයිටම් ආයතනයට උපාධි ප‍්‍රදානය කරන ගැසට් පත‍්‍රය නිකුත් කරනවා. වෛද්‍ය සභාව ඒකට විරෝධය දැක්වූවා. එතැන දී එස්. බී. ඇමතිවරයා ආණ්ඩුවේ ප‍්‍රතිපත්තියට විරුද්ධ නම් වෛද්‍ය සභාව විසුරුවා හරිනවා කියලා තර්ජනාත්මකව කතා කළා. මීට අමතරව පසුගිය කාලෙ ඉතා බරපතළ සිද්ධීන් ගණනාවකට වෛද්‍ය සභාවට මුහුණ දෙන්න සිද්ධ වුණා. වෛද්‍ය සභාවේ ලේඛකාධිකාරී වෛද්‍ය නෝනිස් මහතාට පහර දුන්නා. එහි සාමාජික වෛද්‍ය ලලන්ත රණසිංහ මහතාට පහර දුන්නා. එහි හිටපු සභාපතිනි ලලිතා මෙන්ඩිස් මහත්මියට අස් වෙලා යන්න සිදු වුණා. අවස්ථා ගණනාවකදී විවිධ දේශපාලන අඩන්තේට්ටම්වලට වෛද්‍ය සභාව සහ වෛද්‍ය සභාවේ සාමාජිකයො ලක් වුණා. වෛද්‍ය සභාවේ කාර්යභාරය කෙසේ විය යුතුයි කියල ද වෛද්‍යවරයෙක් විදියට ඔබ හිතන්නේ? වෛද්‍ය සභාව තමයි එක්දහස් නවසිය විසි හතරේ වෛද්‍ය ආඥා පනත මගින් සමන්විත ව්‍යස්ථාපිත ආයතනය. මේ ආයතනයේ අරමුණ වෙන්නෙ රෝගීන් ආරක්ෂා කිරීම. අපි දන්නවා වෛද්‍යවරයෙකු ගාවට එන රෝගියෙකුට හැකියාවක් නැහැ ඒ වෛද්‍යවරයාගේ සුදුසුකම් මොනවද කියල විමසන්න. රෝගියා වෙනුවෙන් එම වගකීම ගන්නෙ වෛද්‍ය සභාව. වෛද්‍ය ආඥා පනතේ අරමුණ වෙන්නෙ රෝගීන් ආරක්ෂා කිරීම. වෛද්‍ය ආඥා පනත පැනවීමේ අර්ථය තමයි සුදුසුකම් නොමැති වෛද්‍යවරුන්ගෙන් රෝගීන් ආරක්ෂා කිරීම. ඒ අනුව වෛද්‍ය සභාව කියන්නෙ වෘත්තිකයන් නියාමනය කරන ආයතනයක්. මේ වෙනකම් වෛද්‍ය සභාව ඒ වෙනුවෙන් කැප වෙලා තමන්ගෙ කැපවීම පෙන්නුම් කරලා තිබෙනවා. අපි විශ්වාස කරනවා ඉදිරියෙදිත් එහෙම වෙයි කියලා. සයිටම් පිටුපස තිබෙන්නෙ ධන බලයද? එසේත් නැත්නම් ඊට පරිබාහිර දෙයක්ද? සයිටම් එක නෙවිල් ප‍්‍රනාන්දුගෙ ව්‍යාපාරය වුණාට ආණ්ඩුවේ වුවමනාව තමයි ඔහු නියෝජනය කරන්නේ. ආණ්ඩුව මේ වෙද්දි අධ්‍යාපනය, වරාය ඇතුළු මුළු රටම විකුණමින් යන ගමනක් තමයි තිබෙන්නේ. ඉදිරියේදී ඉන්දියාවේ මනිපාල් පෞද්ගලික විශ්වවිද්‍යාලයේ ශාඛා රාශියක් ලංකාවට එන්න නියමිතයි. ඒ ස`දහා කැබිනට් පේපර් එකක් ඉදිරිපත් කරලා තිබෙනවා. ඒ ආකාරයේ ප‍්‍රතිපත්තිමය වශයෙන් යන ව්‍යාපෘතියක් තමයි මෙතැන තිබෙන්නේ. නෙවිල් ප‍්‍රනාන්දු කියන්නෙ එහි එක් ව්‍යාපාරිකයෙක් පමණයි. ඒ ව්‍යාපාරය පවත්වාගෙන යාමට අවශ්‍ය කරන දේශපාලන බලය ආණ්ඩුව විසින් සපයමින් තිබෙනවා. සයිටම් හරහා ආණ්ඩුව මුට්ටිය දාලා බලනවා. නමුත් මේක පිටිපස්සෙන් පෞද්ගලික වෛද්‍ය විද්‍යාල ඇතුළු සමස්ත පෞද්ගලිකකරණයක් පැමිණෙමින් තිබෙනවා. සයිටම් නීතිගත වුණොත්, ඒ හරහා ඇති විය හැකි බලපෑම සම්බන්ධයෙන් වෛද්‍යවරයෙක් විදියට ඔබේ විග‍්‍රහය? අපේ රටේ සෞඛ්‍යමය තත්ත්වය අනිවාර්යයෙන්ම කණපිට හැරෙනවා. අපේ රටේ හැම පෞද්ගලික රෝහලකම සෑම මූලික රෝහලකම වෛද්‍ය උපාධි, හෙද උපාධි, සෞඛ්‍ය ක්ෂේත‍්‍රයේ සියලූම උපාධි කඩ බවට පත්වෙනවා. සෑම වෘත්තියක්ම මුදල් මත තීරණය වෙන ක‍්‍රමයක් තමයි අනිවාර්යයෙන්ම ඇති වෙන්නේ. ඒ අනුව අධ්‍යාපනය, සෞඛ්‍යය සමස්තයක් විදියට කඩාකප්පල් වෙනවා. ජනතාවට කිසිදු විශ්වාසයකින් තොරව තමයි සෞඛ්‍ය වෘත්තිකයන්ගෙන් ප‍්‍රතිකාර ලබා ගන්න වෙන්නේ. ඒ නිසා ජන ජීවිත අන්ත අසරණ තත්ත්වයකට පත්වෙනවා. ඒ නිසා අනිවාර්යයෙන් මේක පරාජය කළ යුතුයි. මේක විස`දන්න නම්, සයිටම් ප‍්‍රශ්නය ආණ්ඩුවේ දේශපාලන පැවැත්ම තීරණය කරන සාධකයක් බවට පත් කරන්න ඕනේ. ඒකට ශිෂ්‍ය ව්‍යාපාරය, කම්කරු ව්‍යාපාරය ඇතුළු සියල්ල එකට ඒකාබද්ධ වෙලා පොදු වේදිකාවක් තැනිය යුතු වෙනවා.

Read more

‘සයිටම්’ සක්විති ගණයේ හොරකමක් (රජයේ වෛද්‍ය නිලධාරීන්ගේ සංගමයේ ලේකම් වෛද්‍ය නවීන් ද සොයිසා)

2017-02-12     (භාතිය ගුණෙස්න)

නිදහස් අධ්‍යාපනය රැක ගැනීම වෙනුවෙන් මෙරට තුළ අරගල සිදුව ඇත්තේ වරක් දෙවරක් නොවේ. මෑත කාලයේ දී සමාජය තුළ පැන නැඟී ඇති එවන් අරගලයක් වනුයේ, සයිටම් පෞද්ගලික වෛද්‍ය උපාධි ආයතනයට එරෙහි අරගලයන් ය. මෙවර විද්වත් සාකච්ඡුාව ඒ පිළිබඳව ය. සයිටම් නඩු තීන්දුව ගැන ඔබේ අදහස මොකක් ද? අපි මුලින්ම බලන්න ඕන අධිකරණයේ දී පෙනී හිටපු පාර්ශ්ව මොනවා ද කියලා. සයිටම් ආයතනයෙන් බිහි වෙච්ච දරුවෙක් ඉන්නවා. මේ දරුවා අධිකරණයට ගිහිල්ලා වෛද්‍ය සභාව එක වගඋත්තරකාරයෙක් කරනවා. ඒ එක්කම සයිටම් එකත් වගඋත්තරකාරයෙක් කරනවා. සයිටම් එකට පුළුවන් තරම් උදවු කරන උසස් අධ්‍යාපන අමාත්‍යාංශය සහ සෞඛ්‍ය අමාත්‍යාංශයත් වගඋත්තරකරුවන් බවට පත් කරනවා. එතකොට තනියම සටන් කරන්නේ වෛද්‍ය සභාව විතරයි. රටේ සෞඛ්‍ය අධ්‍යාපනය ප‍්‍රමිතිකරණ ආයතනය රකින්න වත් සෞඛ්‍ය අමාත්‍යාංශය තීරණය කරන්නෙ නෑ. එතකොට මේ තීන්දුවට බලපාලා තිබෙන්නේ සෞඛ්‍ය ඇමතිවරයාගේ වැරැුදි ක‍්‍රියාකලාපය. මේ තීන්දුවේ වැරැුද්දක් තිබෙන බව වෛද්‍ය සභාව පිළිගන්නවා. හැබැයි ඇමතිවරයා ඒක පිළිගන්නෙ නැහැ. විශ්වවිද්‍යාල පනත අනුව 27.1 මගින් උපාධි පිරිනැමීමේ අයිතිය තියෙන්නේ උසස් අධ්‍යාපන ඇමතිවරයාට. ඒ වගේම 27.2 වගන්තියෙන් කියනවා 27.1 වගන්තිය ක‍්‍රියාත්මක කරන්න නම් තනි ගැසට් එකකින් මේක ගහන්න ඕන කියලා. එතකොට මේ උසාවි යන ළමයා කියන්නේ මට කන්ඩිෂනල් ගැසට් එකක් තියෙනවා. ඊට අමතරව උසස් අධ්‍යාපන අමාත්‍යාංශයේ ලේකම් සයිටම් එකට යවපු ලියුමක් තිබෙනවා. මෙන්න මේ දෙක එකතු වෙලා තමයි මට උපාධි පිරිනැමීමක් ලැබිලා තියෙන්නෙ කියල ළමයා කියනවා. එහෙම නීතියක් නැහැ. මොකද 27.2 පෙන්වන්නෙ නැතුව 27.1 විතරයි වගඋත්තරකාරයෝ අධිකරණයට පෙන්වන්නෙ. ඒ අනුව තමයි අධිකරණය මේ තීරණය දීලා තිබෙන්නේ. මේවා අරන් බැලූවාම ඇමතිවරුන් දෙදෙනාගේ වැරැුද්ද එහෙමපිටින්ම පේනවා. සයිටම් එකට වෛද්‍ය සභාවෙන් පිිළිගැනීමක් දීලා නැහැ. දීපු නැති බව ඇමතිතුමාට දැනුම් දීලා තිබෙනවා දෙන්නෙ නැති වෙන්න හේතුත් එක්ක ම. හැබැයි වෛද්‍ය ආඥා පනත අනුව අවසාන තීරකයා වෙන්නෙ සෞඛ්‍ය ඇමතිවරයා. ඒ නිසා අධිකරණය කියනවා ඇමතිවරයා නිර්දේශ ක‍්‍රියාත්මක නොකරපු නිසා තමයි සයිටම් එකට ලියාපදිංචිය දෙන්නෙ කියලා. අධිකරණයට පුළුවන්ද වෛද්‍ය වෘත්තිය වගේ වගකීම්සහගත වෘත්තියක් පිළිබදව තීරණයක් ගන්න ? පැහැදිලිවම ආඥා පනතකින් වෛද්‍ය සභාවට ඒ බලය පවරලා තිබෙනවා. අපි දන්නවා විවෘත විශ්වවිද්‍යාලවලිනුත් නීතිඥවරුන් බිහිවෙනවා. හැබැයි, කිසි කෙනෙකුට නීති සභාවේ ලියාපදිංචි නොවී උසාවියේ නඩු කථා කරන්න බැහැ. සයිටම් සම්බන්ධයෙන් තිබෙන්නෙත් එවැනි ප‍්‍රශ්නයක්ම තමයි. මොකද? තාක්ෂණ කමිටුවෙන් විස`දපු තාක්ෂණික කාරණා උසාවියට ඉදිරිපත් කරලා නැහැ. එතකොට උසස් අධ්‍යාපන ඇමතියි, සෞඛ්‍ය ඇමතියි අධිකරණයට කරුණු හැංගුවාම සහ වෙනත් කරුණු දුන්නාම තිබෙන නීතිමය තර්කය තුළ තමයි, අධිකරණය මේක පාවිච්චියට ගන්නේ. ඒ නිසා ඔවුන් ඉදිරිපත් කරපු කරුණු අනුව අධිකරණය තීන්දුවක් අරගෙන තිබෙනවා. නමුත්, කරුණු නිවැරැුදිව අධිකරණයට ඉදිරිපත් කළා නම් ලංකාවේ අධිකරණයකින් මේ වගේ තීන්දුවක් ලැබෙයි කියල අපි විශ්වාස කරන්නෙ නැහැ. සයිටම් ප‍්‍රශ්නය අධිකරණ ක‍්‍රියාවලියක් දක්වා දුර දිග යාම සහ ඊට නීතිමය අවසරයක් ලැබීම සම්බන්ධයෙන් වගකිව යුත්තන් කවුද? මේකට ප‍්‍රධාන හේතුව තමයි සෞඛ්‍ය ඇමතිතුමාගේ හැසිරීම. තමන් පත් කරපු වෛද්‍ය සභාවක නිර්දේශ ක‍්‍රියාත්මක නොකර සිටීම බරපතල වැරැුද්දක්. ඒ වැරැුද්ද සෞඛ්‍ය ඇමතිවරයා භාර ගත යුතුයි. ඉගෙනීමේ නිදහස හා ජීවත් වීමේ නිදහස කියන්නේ දෙකක්. ඒ දෙකෙන් වැඩි බරක් තිබෙන්නේ ජීවත් වීමේ නිදහසට. එතකොට මොවුන් මහජන කැමැත්ත පිළිබඳව සැලැකිලිමත් වෙලා නෑ. අපි බලාපොරොත්තු වෙනවා ඒක ශේ්‍්‍රෂ්ඨාධිකරණයට පෙන්වා දෙන්න. අවශ්‍ය අවස්ථාවක දී වෛද්‍ය සභාවත් එම කාරණාව පෙන්වා දෙයි කියලා අපි බලාපොරොත්තු වෙනවා. වෛද්‍ය සභාවේ සභාපතිවරයා වන මහාචාර්ය කාලෝ ෆොන්සේකා ලිපියක් මගින් සදහන් කරලා තිබුණා සයිටම් ආයතනය සටකපටකම් හා ධන බලයෙන් උපාධි ප‍්‍රදානය කිරීමේ බලය ආරූඪ කර ගත්තා කියලා. වත්මන් ඇමතිවරුන්ගේ හැසිරීමත් ඔය කියන ධන බලය හමුවේ ක‍්‍රියාත්මක වෙන්නක් ද? ඒක හරි. ඒක ඕනෑම කෙනෙකුට පැනන`ගින ගැටලූවක්. මොක ද? මේ ආයතනයේ දේශපාලනඥයන්ගේ දරුවන් ඉන්නවා. ඒ අයගේ ඥාතීන් ඉන්නවා. ඒ අය මේ ගැන පක්ෂපාතී පියවරක් ගන්නෙ ඒ නිසයි කියලා අපි පෙන්වා දුන්නා. ඒ වගේම මේක විශාල මුදලක් ගැවසෙන ස්ථානයක්. එතකොට අපි දන්නවා සක්විති ආයතනයත් මේ රටේ බැංකු නිලධාරීන් පවා සල්ලි දාපු තැනක්. නමුත් ඒක නීත්‍යනුකූල නෑනේ. සයිටම් එකත් සක්විති ආයතනයක් කියල අපි කියන්නෙ ඒ නිසයි. ඇත්තටම ගත්තොත් අපේ රටේ වෛද්‍යවරුන්ගේ හි`ගයක් තිබෙනවා. නමුත්, ඒකට විස`දුම ආණ්ඩුව කියන විදියට සයිටම් ද? අවශ්‍යතාවක් තියෙනවා නම් නිදහස් අධ්‍යාපනය තුළ අවස්ථා වැඩි කරන්නත් පුළුවන් නේ. පෞද්ගලික වෛද්‍යවිද්‍යාල අවශ්‍ය ද නැද්ද කියන ස්ථාවරයක දී අපි මැද තැනක ඉන්නේ. ඒක රටක් හැටියට රටේ ජනතාවගෙන් අහලා රට පාලනය කරන පිරිස තීරණය කළ යුතු දෙයක්. නමුත් අපි කියන්නේ මොන ආයතනයෙන් බිහි වෙන පුද්ගලයන් වුවත්, ප‍්‍රමිතිකරණයකට ලක් වීම අත්‍යවශ්‍යයි. ඒ අය ප‍්‍රමිතියක් රකින්න ඕනෑ. එහෙම නොවුණොත් වෙන්නේ ඒ අයව වෙනස් කරලා අ`දුන ගන්න බෑ. මොකද මේක නිල වෙදකමක්. රෝහලකට ගියාම රෝගිියාට අහන්න බෑ ඔයා සයිටම් එකෙන් ආපු කෙනෙක් ද? කියලා. ඒ නිසා ප‍්‍රමිතිය අවම මට්ටමකින් උඩට දාලා තියෙන්න ඕනෑ. අවම ප‍්‍රමිතියට එක`ග නොවී ඉන්න කාටවත් බෑ. ඒ නිසා රජයක් හැටියට තීරණය කරන්න පුළුවන් වෛද්‍යවරුන් හි`ග නම්, ඒකට ගන්න අවශ්‍ය ක‍්‍රියාමාර්ග මොනවා ද කියලා. දැන් මේක පෞද්ගලික ආයතනයක් කිව්වට මිලියන හයසීයක් රජයේ ණය දීපු ආයතනයක් නේ. මේක සක්විති ගණයේ හොරකමක් කියලා අපි කියන්නේ ඒකයි. මේකට විරුද්ධව අල්ලස් හෝ ¥ෂණ විමර්ශන කාර්යාංශයට ගිහිල්ලා පැමිණිලි කරන්න ඕන. මේ හරහා ඇතිවන සමාජ බලපෑම ගැනත් කතා කරමු ? මුලින්ම වෛද්‍ය අධ්‍යාපනයේ ප‍්‍රමිතිය නැති වෙනවා. එතකොට රෝගී ජනතාවගේ ජීවිත අනාරක්ෂිත වෙනවා. ඒක තමයි පළමුවැනි බලපෑම. ඒ හරහා ළදරු මරණ අනුපාතිකය, මාතෘ මරණ අනුපාතිකය ඒ සියල්ල ඉහළ යාමේ අවදානමක් තියෙනවා. අද තේරෙන්නේ නෑ. පසුකාලීනව තමයි තේරෙන්න ගන්නෙ ජනතාවට. අපි මේ කියන්නේ අවුරුදු විස්සක්, තිහක් ඉස්සරහට හිතලා. දෙමාපියන් හිතාගෙන ඉන්නවා අපේ දරුවවත් මේකෙන් වෛද්‍යවරයෙකු කරන්න පුළුවන් නෙ කියලා. ඒක හීනයක් විතරයි. මේක පටන් ගත්තේ ලක්ෂ හැටෙන්. අද වෙනකොට ලක්ෂ එකසිය විස්සයි. සාමාන්‍ය පුද්ගලයන්ට මේ තරම් විශාල මුදලක් වියදම් කරන්න බැහැ. ඒ හරහා සල්ලි නිසාම ඉගෙන ගන්න පුළුවන් පංතියක් බිහිවෙන්න පුළුවන්. ඒකම වෙන්න පුළුවන් ඉදිරියේ දී තරුණ අසහනයකට මූලික හේතුව. එතකොට නිදහසේ අධ්‍යාපනය ලබන්න තියෙන අයිතිය විනාශ වෙන්න බෑනේ පෞද්ගලික අධ්‍යාපනය ලබන්න තියන අයිතියත් එක්ක. මේක අපේ නිදහස් අධ්‍යාපනයටත් තර්ජනයක් වෙලා තියෙනවා. ඒ නිසා අධ්‍යාපනය, සෞඛ්‍යය, සමාජයීය, ආර්ථික මේ සියලූ පැතිකඩයන්ට මේකෙන් බලපෑම් එල්ල වෙලා තිබෙනවා. ගැමුණු විජේරත්නලා, සමන් රත්නප‍්‍රියලා වැනි අය සයිටම් ආයතන වෙනුවෙන් ඉතා තදබල ලෙස පෙනී සිටිනවා. ඇයි මේ ? සමහරුන්ට තමන්ගේ දරුවා මේ ආයතනයේ ඉන්න නිසා වෙන්න පුළුවන්. ඔබ කලින් කිව්ව කාරණය මෙතැනදීත් අදාළ වෙන්න පුළුවන්. මොකද සටකපටකම හා ධන බලය කියන කරුණු මූලික වෙන්න පුළුවන් නෙ. ඒ අය විවිධ ප‍්‍රකාශ කරලා තියෙනවා. මේ අය දේශපාලන ක`දවුරු වශයෙන් කොහෙ ද ඉන්නේ කියන එක ඉතාම පැහැදිලියි. මේ වෙලාවෙ ඒ අයගෙ රස්සාව ඔවුන් කරනවා. රටට කොච්චර නරක දෙයක් වුණත්, ඔවුන් ඒ වෙනුවෙන් පෙනී සිටිනවා. ඔවුන් සමානාත්මතාවය වෙනුවෙන් පෙනී ඉන්නෙ නැහැ. ඒ අය එක් කොටසක් වෙනුවෙන් එක විදිහකටත්, තව කොටසක් වෙනුවෙන් වෙන විදිහකටත් පෙනී සිටිනවා. අපි කියන්නේ සියලූ දෙනා සම්බන්ධයෙන් එකම ස්ථාවරයක ඉන්න පිරිසක් තමයි, අපි බලාපොරොත්තු වෙන්නෙ. අපි කියන්නෙ ඉතා පැහැදිලිව රෝගී අයිතිවාසිකම් සුරක්ෂිත වෙන්න ඕනෑ. සයිටම් ආයතනය පිහිටුවන්න 2009 වර්ෂයේ දී මහින්ද රාජපක්ෂ ආණ්ඩුවෙන් සහයෝගයක් ලැබුණා. නමුත් අද ඔවුන් ඒකට විරුද්ධව කතා කරනවා. ඇත්තටම ඔවුන් මේ ප‍්‍රශ්නයට වගකිව යුතුයි නේ ද? අපි ගමනක් යනවා. හැබැයි අපි කිසි ම කෙනෙකුට අවශ්‍ය පාරේ යන්නෙ නැහැ. මේ රජයත් අපිත් එක්ක තරහයි. කලින් රජයත් අපිත් එක්ක තරහයි. අපිට ආණ්ඩුවල වෙනසක් පේන්නේ නැහැ. දේශපාලනඥයෝ දේශපාලනඥයෝමයි. ඔවුන් කරන්නේ දේශපාලනය. මම කියන්නෙ නැහැ හො`ද දේශපාලනඥයෝ නැහැ කියලා. මහත්මා දේශපාලනය කරන මහත්වරුන් ඉන්නවා. හැම පක්ෂයකම ඉන්නවා. හැබැයි ඔවුන් ප‍්‍රබල භූමිකාවක් මේක තුළ රගදක්වන්නෙ නෑ. අපිට විවිධ ගැටලූ තියෙන්න පුළුවන්. නමුත් මෙතැන දී ‘සයිටම් එපා’ කියන පොදු අරමුණකට අපිට එකතු වෙන්න පුළුවන් වෙලා තිබෙනවා. මම හිතන්නෙ සියලූම දේශපාලන පක්ෂ, සියලූම වෘත්තීය සමිති, සියලූම දේශපාලන නායකයන් වෘත්තිකයන් මේ පොදු අරමුණට එකතු විය යුතුයි. මොක ද රෝගී ජනතාවගේ ජීවිත අපට වටිනවා. මේ ප‍්‍රශ්නයේ අවසන් තීරකයා දේශපාලනය නේද ? මම හිතන්නෙත් දේශපාලනයම තමයි. මේ රටේ දේශපාලනඥයන්ට සහ බලධාරීන්ට ඇස් ඇරෙන්නෙ තමන්ගෙ බලය ගිලිහෙනවා කිව්වොත් විතරයි. ප‍්‍රතිපත්තිමය කාරණා කියන දේවල් ඒ අයට දෙවෙනියි. ඒ නිසා ප‍්‍රතිපත්තිගරුක දේශපාලනඥයන් පිරිසක් මේ රට භාර ගන්නා දවසක් එනකම් ඊට අවශ්‍ය කරන පෙළගැස්ම අපි කරනවා.

Read more
වෙර

සයිටම්ට එරෙහිව පෙල ගැහෙන සටන් රළ

2017-02-26     (කිත්සිරි කොඩිතුවක්කු)

ආරම්භයේදීම විසඳාගත හැකිව තිබූ ගැටළුවක් අර්බුදයක් බටව පත්ව මෙරට ජන සමාජය කළඹමින් තිබේ. මුල් කාලයේදී මෙරට විශ්වවිද්‍යාල ශිෂ්‍ය ප‍්‍රජාවගේ විරෝධයට ලක් වූ සයිටම් පෞද්ගලික අධ්‍යාපනය ආයතනය එවකට පැවති මහින්ද රාජපක්ෂ පාලනයේ ආශීර්වාදය සහ අනුග‍්‍රහය යටතේ අතුඉතිලා වැඩෙන්නට වූ අතර දැන් එම ගැටළුව අර්බුදයක් දක්වා වර්ධනය වී තිබේ. සයිටම්ට එරෙහිව විරෝධය දක්වන්නන්ට අනුව එම ආයතනය ආරම්භයේ සිටම නීතිවිරෝධී ආයතනයකි. විශ්වවිද්‍යාලයක් ඇරඹීම වෙනුවෙන් විශ්වවිද්‍යාල ප‍්‍රතිපාදන කොමිෂන් සභාවේ අවසරය සයිටම් ආයතනයට හිමිව නැති අතර, ඒ හේතුවෙන් සයිටම් විශ්වවිද්‍යාලය ආරම්භ වන්නේ ආයෝජන මණ්ඩල ව්‍යාපෘතියක් වශයෙනි. ඒ අනුව එහි මුල් ලියාපදිංචි නාමය වනුයේ ී්මඑය ්ිස්බ ෂබිඑසඑමඑැ දෙ ඔැජයබදකදටසැි ්බා ඵ්බ්ටැපැබඑ ය. වර්තමානය වන විට ඵ්බ්ටැපැබඑ යන්න ඵැාසජසබැ ලෙස වෙනස් වී තිබේ. වෛද්‍ය උපාධිය ඉගැන්වීම සඳහා නිසි අවසරයක් නොතිබියදීත්, පහසුකම් නොතිබියදීත් මුදලට වෛද්‍ය උපාධිය ලබා දෙන මෙම ආයතනය සම්බන්ධයෙන් මෙරට ජන සමාජය තුළත් ශිෂ්‍ය ප‍්‍රජාව සහ වෛද්‍යවරුන් ඇතුළු වෘත්තිකයන් තුළත් විරෝධය පැන නගිමින් තිබිණ. මෙම ව්‍යාපෘතිය ආරම්භයේදී රාජ්‍ය බැංකු දෙකක් රුපියල් මිලියන 600ක ණය මුදලක් කිසිදු පොලියක් රහිතව ලබා දී තිබුණු අතර, එම ගනුදෙනුව සම්බන්ධයෙන් ප‍්‍රධාන මැදිහත්කරුවා වී ඇත්තේ එවකට ජනපති මහින්ද රාජපක්ෂගේ පුත් නාමල් රාජපක්ෂයි. මහින්ද රාජපක්ෂගේ ආණ්ඩුවේ උසස් අධ්‍යාපන අමාත්‍යවරයා ලෙස කටයුතු කළ එස්.බී. දිසානායකද මෙම නීතිවිරෝධී ආයතනය වෙනුවෙන් අනුමැතිය ප‍්‍රකාශ කර තිබේ. ආරම්භයේ සිටම මෙම පෞද්ගලික විශ්වවිද්‍යාලය සම්බන්ධයෙන් ශිෂ්‍ය ප‍්‍රජාවගේ මෙන්ම ශ‍්‍රී ලංකා වෛද්‍ය සභාවේද යහපත් ප‍්‍රතිචාරයක් නොවූවද, ශ‍්‍රී ලංකා වෛද්‍ය සභාවට එරෙහිව අභියාචනාධිකරණයේ ගොනු කරනු ලැබූ පෙත්සමක තීන්දුව ලබා දෙමින් සයිටම්හි අධ්‍යාපනය ලැබූ එම්.බී.බී.එස්. උපාධිධාරීන් හට ශ‍්‍රී ලංකාවේ වෛද්‍ය සභාවේ ලියාපදිංචිය ලබා දෙන ලෙස අභියාචනාධිකරණය විසින් ශී‍්‍ර ලංකා වෛද්‍ය සභාවට නියෝග කරනු ලැබීය. මෙම තීන්දුවත් සම`ග මේ වන විට රට තුළ සයිටම් සම්බන්ධයෙන් තිබූ විරෝධය වඩ වඩාත් උත්සන්න වෙමින් පවතී. ඒ අනුව දිවයින පුරා විශ්වවිද්‍යාල වෛද්‍ය පීඨ සිසුන් පංති වර්ජනය කළ අතර, සිවිල් සංවිධාන හා සාමාන්‍ය ජනතාවද සිය විරෝධය ප‍්‍රකාශ කිරීමට පෙරට එමින් සිටිති. මෙම විරෝධයට එක්වන විවිධ වෘත්තිකයන් මෙන්ම වෛද්‍යවරුද මේ වන විට රෝහල් තුළ විරෝධතා ක‍්‍රියාමාර්ග ගනු ලබමින් සිටින අතර සයිටම් විරෝධී සම්මන්ත‍්‍රණ සහ පෙළපාළි රැුසක් මේ වන විට දිවයිනේ ප‍්‍රදේශ ගණනාවක් පුරා පවත්වා තිබේ. නිදහස් අධ්‍යාපනය සහ නිදහස් සෞඛ්‍ය සේවයත්, අධ්‍යාපනයේ ගුණාත්මකභාවයත් රැුකගැනීම වෙනුවෙන් දියත් කළ අරගලයන්ට දිනෙන් දින විවිධ වෘත්තිකයන් සම්බන්ධ වෙමින් සිටින අතර, අධ්‍යාපනය ලැබීමේ මූලික මිනිස් අයිතිවාසිකම අනුව සෑම දෙනාටම ඒ සඳහා ඉඩ ලැබිය යුතුව ඇතත් ක‍්‍රම ක‍්‍රමයෙන් එම තත්ත්වය අහෝසි වී යාමට එරෙහිව මෙසේ ජනතාව සංවිධානය වෙමින් සිටිති. අධ්‍යාපනය ලැබීමට ඇති අයිතිය වරප‍්‍රසාද ලත් පැලැන්තියකට පමණක් හිමිකර දීමේ ක‍්‍රමයක් ක‍්‍රියාත්මක වෙමින් පවතින බව විරෝධතාකරුවෝ ප‍්‍රකාශ කර සිටින අතර, පවතින ධනේශ්වර ආර්ථික ක‍්‍රමය තුළ අවමයෙන් හෝ ඉතිරිව පවතින පොදු ජන අයිතිවාසිකම් වර්තමානයේදී මුදලට විකිණෙමින් තිබෙන බවට ඔවුහු චෝදනා කර සිටිති. ඒ අනුව සයිටම් විරෝධය හරහා ප‍්‍රකාශ වෙමින් තිබෙනුයේ තම අයිතිවාසිකම් කප්පාදුවට එරෙහි විරෝධයයි. නිදහස් අධ්‍යාපනයට ඇති ඉඩකඩ අහුරමින් මෙරට ශිෂ්‍ය ප‍්‍රජාවගේත්, පොදු ජනතාවගේත් විවිධ වෘත්තිකයන්ගේත් විරෝධය නොතකා හැර ආණ්ඩුව කටයුතු කරන්නේ නම් ඉදිරියේදී ඒ සඳහා ගෙවීමට සිදුවන වන්දිය කෙතෙක්ද යන්න සිතා බැලිය යුතුය.

Read more
හෙළිදරව්ව

අහසින් වැටෙන දිය පොදත් විකුණන සැලසුම් නොනැවතී පෙරට

2017-02-26     (චතුර දිසානායක)

ජලය වෙළෙඳ භාණ්ඩයක් බවට පත් කිරීම පිළිබඳ ලෝකයේ මෙන්ම ලංකාවේද පාලකයන් තුළ ඇති උනන්දුව සුළුපටු එකක් නොවන බව ‘ලංකා’ විසින් මින් පෙර හෙළිදරව් කරන ලදී. ජේ. ආර්. ජයවර්ධන ජනාධිපතිවරයාගේ කාලයේ සිට මේ දක්වා සියලූම ජනාධිපතිවරුන් මෙන්ම ආණ්ඩු ඒ සඳහා විවිධ පිඹුරු පත් සකසනු ලැබීය. එය එපරිද්දෙන්ම ඉදිරියට ගෙන යමින් වර්තමාන ආණ්ඩුවද ජලය වෙළෙඳ භාණ්ඩයක් පමණක් බවට පත් කිරීමට කරන ලද සැලසුම්ද මේ වන විට එකින් එක අනාවරණය වෙමින් තිබේ. ඒ සඳහා වර්තමාන ආණ්ඩුව අලූත්ම ප‍්‍රවේශයක් ගනිමින් මතු වී ඇති වියළි කාලගුණ තත්ත්වයන් සහ ඒ නිසා ඇති වී තිබෙන ජල අර්බුදය දඩමීමා කර ගනිමින් දේශගුණික විපර්යාස අවම කිරීමේ වැඩසටහන යටතේ කාලගුණික තත්ත්වයන්ට ඔරොත්තුදීම වෙනුවෙන් ජලය හා ජල මූලාශ‍්‍ර කළමනාකරණ වැඩසටහන් සකස් කිරීමට හා කි‍්‍රයාත්මක කිරීමට සූදානම් වේ. පැවැති මහින්ද රාජපක්ෂ ආණ්ඩුව ජල කළමනාකරණය සඳහා ලෝක බැංකුවෙන් ඇමරිකානු ඩොලර් මිලියන 110ක ණයවරක් ලබා ගැනීමට අවශ්‍ය කටයුතු කර ඇති බවද මේ වන විට හෙළි වී තිබේ. 2014.02.10 දින අංක 14/0194/504/026 රහසිගත අමාත්‍ය මණ්ඩල සංදේශයක් මඟින් ලෝක බැංකුවෙන් ඇමරිකානු ඩොලර් මිලියන 110ක ණයවරක් ලබා ගැනීමට අමාත්‍ය මණ්ඩල අනුමැතිය ලබාගෙන ඇති අතර, එම ණය මුදල යොදා ගනිමින් වාරිමාර්ග හා ජල සම්පත් කළමනාකරණ අමාත්‍යාංශය යටතේ කාලගුණික විද්‍යාත්මක විපර්යාස කෙරෙහි භෞතිකව ඔරොත්තු දීමේ හැකියාව වර්ධනය කිරීමට ව්‍යාපෘතියක් නමින් සකස් කර ඇත. 2014.02.10 දින මුදල් හා ක‍්‍රමසම්පාදන අමාත්‍යාංශය අංක ඩබ්/ඞී.එම්/01/එල් යටතේ වාරිමාර්ග හා ජල සම්පත් කළමනාකරණ අමාත්‍යාංශයට එවා ඇති ලිපියකින් මෙම ව්‍යාපෘතිය කරගන යාම සඳහා වේලි ආරක්ෂණ හා ජල සම්පත් සැලසුම් කිරීමේ ඒකකයට පවරා ඇති අතර, ජල සම්පත් කළමනාකරණය කිරීම නැත්නම් ජලය හා ජල මූලාශ‍්‍ර විකිණීමට අවශ්‍ය සියලූ කටයුතු මේ හරහා සිදු වනු ඇත. වසර විසිපහකින් ගෙවා නිම කිරීමට ගන්නා මෙම ණය මුදලට වාර්ෂික පොලී අනුපාතය සියයට 1.25කි. මෙම ණයවර ලබා දෙන ලෝක බැංකුව දිගින් දිගටම පවසන්නේ ලංකාවේ ගොවිතැනට ජලය ලබා දීම පාඩු ලබන ක‍්‍රියාවක් බැවින්, ලබා දෙන ජලය වෙනුවෙන් ගොවියන්ගෙන් මුදල් අය කර ගත යුතු බවය. තව දුරටත් ලංකාවේ ජල සම්පත විකිණීම වෙනුවෙන් ණය ලබා දෙන ලෝක බැංකුවේ එක`ගතාවයන් අතර ජලය පෞද්ගලිකකරණය කිරීම පළමු කාර්යයක් වේ. ඒ අනුව අද වන විට වර්තමාන ආණ්ඩුව සියලූම ජල මූලාශ‍්‍ර කළමනාකරණය කිරීමේ නැතහොත් විකිණීම සඳහා වූ එහි ඉදිරි පියවර එකින් එක සැලසුම් කරමින් සිටියි. ලොව පුරා ජලය පෞද්ගලිකකරණ කි‍්‍රයාවලි මෙහෙයවනු ලබන්නේ් සහ ඉන්පසු එහි පාලනය අත් පත් කර ගනු ලබන්නේ ලොව ප‍්‍රබලම බහුජාතික සමාගම් අතළොස්සක් විසින්ය. ජලය සොබාදහම විසින් ලබා දෙන දෙයක් නිසා ඊට නිෂ්පාදන වියදමක් නොමැත. ඒ නිසා ජලය වෙළෙඳාම මඟින් අති විශාල වූ ලාභයක් ලබා ගත හැකිය. මෙම තත්ත්වය ඇමරිකාවේ මුල් පෙළේ ව්‍යාපාරික සඟරාවක් වන ‘ෆෝචූන්’ සඟරාව 2000 මැයි කලාපයේ දක්වා තිබුණේ හැම දෙනාටම අවශ්‍ය, අනාගතයේදී තව තවත් අවශ්‍ය වන ජලය, ලොව දැවැන්තම ව්‍යාපාරික අවස්ථාවන් බිහි කරමින් පෞද්ගලිකකරණය වෙමින් ඇති බවත් ඒ සඳහා දැන් අති විශාල මුදල් ප‍්‍රමාණයක් ආයෝජනය කරමින් ඇති බවත්ය. පොදු සම්පතක් වන ජල සම්පත පෞද්ගලිකකරණය කිරීම සඳහා වන මෙම කුමන්ත‍්‍රණයේ ලංකාව තුළ පදනම වන්නේ, මෙරට ජල සම්පත වඩාත් කාර්යක්ෂම ආකාරයට ප‍්‍රයෝජනයට ගැනීම සඳහා යයි කියමින් ජාතික ජල ප‍්‍රතිපත්තියක් සකස් කිරීමයි. ඒ අනුව සැකසෙන මෙම ප‍්‍රතිපත්ති ලේඛනය හඳුන්වාදී ඇත්තේ ‘ජාතික ජල සම්පත් ප‍්‍රතිපත්තිය’ යනුවෙනි. එහි එක් පියවරක් ලෙස ප‍්‍රජා මූල ජල සමිති 3,500ක් පාලනය කිරීමට ජල සම්පත් අධිකාරියක් පිහිටු වීමට පසුගිය රජය ගත් තීරණය ක‍්‍රියාවට නැෙඟ්. මේ ජල මංකොල්ලය නීත්‍යනුකූලව කි‍්‍රයාත්මක කිරීම ස්ථිර ආයතන තුනක් හරහා සිදු වේ. ඒ ජාතික ජල සම්පත් අධිකාරිය, ජල සම්පත් මණ්ඩලය හා ජල සම්පත් විනිශ්චය සභාවයි. ජාතික ජල සම්පත් අධිකාරියට ජල හිමිකාරීත්වය පැවරීම, නියෝග පැනවීම, ආදී පරිපාලන කටයුතු පැවරේ. ජල සම්පත් මණ්ඩලයට පැවරෙන්නේ මේ පිළිබඳ කටයුතුවල දී උපදේශක මණ්ඩලයක් ලෙස කි‍්‍රයා කිරීමයි. ජල සම්පත් විනිශ්චය මඟින් සිදු කරනු ලබන්නේ මෙතැන් සිට රජය සතු වන බව කියන ජලය ජනතාව විසින් භාවිතයට ගැනීම පාලනය කිරීමය. එසේම ජල අයිතිය ලබා ගන්නා සමාගම් හා ජලය භාවිත කරන ජනතාව අතර ඇති වෙන ආරවුල් විසඳීමයි. මේ අනුව ජීවීන් ලෝකයට බිහි වූ දින සිට මෙතෙක් කාලයක් තිස්සේ වැවක, ඇළක, දොළක හෝ ගංගාවක පමණක් නොව තමන්ගේම ළිඳේ ජලය භාවිතා කිරීමට තිබූ නිදහස් අයිතිය මෙරට ජනතාවට අහිමි වී යනු ඇත. ශ‍්‍රී ලංකාවට නිරිත දිග හා ඊසාන දිග මෝසම් සුළං මඟින් වසරකට දෙවරක් විශාල වැසි ප‍්‍රමාණයක් ලැබේ. මෙය ලෝකයේ වාර්ෂික දළ වර්ෂාපතනය මෙන් තුන් ගුණයකට ආසන්න වේ. ඒ නිසා මිරිදිය ජල සම්පත අයිති කර ගැනීමට අවශ්‍ය කුමන හෝ බහු ජාතික සමාගමකට ලංකාව සුවිශේෂී රටකි. එසේම මේ වන විට ලෝකයේ බොහෝ රටවල සිදු කරන ලද සංවර්ධනය විසින් විනාශය කරා ඇද දමා ඇති මහ පොළොවේ ජීවය වන ජලය දිනෙන් දින ¥ෂණය වෙමින් හා නාස්ති වෙමින් පවතී. යුනෙස්කෝ සංවිධානය පවසන ආකාරයට දිනකට අපවිත‍්‍ර ජලය මිලියන ලීටර දෙකක ප‍්‍රමාණයක් ලොව පුරා ඇති පිරිසිදු ජල මූලාශ‍්‍ර වෙත ගලා ඒමට සලස්වා ඇත. වසරකට ටොන් මිලියන 300ත් 400ත් අතර ප‍්‍රමාණයක බැර ලෝහ ජලයට එක් වීම නිසා ලොව පුරා ශීඝ‍්‍ර ලෙස පිරිසිදු ජලය හා ජල මූලාශ‍්‍ර විනාශ වෙමින් පවතී. මේ නිසා ජල නාස්තිය හා දූෂණය ලොව පුරා ප‍්‍රබල පාරිසරික ප‍්‍රශ්නයක් බවට පරිවර්තනය වී ඇති අතර, අපිරිසිදු ජලය පානය කිරීම නිසා දිනකට ලොව පුරා මිය යන සංඛ්‍යාව 14,000ක් දක්වා ඉහළ ගොස් ඇත. මේ නිසා ජලය ලොව පුරාම හොඳ වෙළෙඳ භාණ්ඩයක් බවට පත් වී තිබේ. දැන් බහුජාතික සමාගම්වල අවශ්‍යතාවය වී ඇත්තේ මේ වෙළෙඳපොළ අත්පත් කර ගැනීමයි. එසේම බටහිර රටවල අධික ඉල්ලූමක් පවතින ගර්කින්, දුම්කොළ වැනි ඇතැම් වගාවන් ඒ රටවල සාර්ථකව සිදු කළ නොහැකි නිසා ඒවා ජල සම්පත බහුලව පවතින රටවල් වෙත ව්‍යාප්ත කිරීම ද තවත් එක් සැලසුමකි. ඒ සඳහා ලංකාවේ දී මෙරට පැවත එන කෘෂිකාර්මික කටයුතු අඩාල කළ යුතු වේ. එහිදී වී වගාව අකර්මණ්‍ය කිරීම අනිවාර්යයකි. වර්තමාන ආණ්ඩුව ඒ සැලසුම්වල මෙරට කාර්යභාරය මැනැවින් ඉටු කරමින් පොහොර කප්පාදුව, ජලය ප‍්‍රමාණවත් පරිදි ලබා නොදීම සහ වගා කටයුතු සීමා කිරීම හරහා එම තත්ත්වය නිර්මාණය කරමින් සිටියි. මතු වී ඇති වියළි කාලගුණ තත්ත්වය යටතේ ජලය කළමනාකරණය කළ යුතු බවට යෝජනාවක් එන්නේද එහි ප‍්‍රතිඵලයක් වශයෙනි. ඒ අනුව ඇති වී තිබෙන ගැටලූ කිසිවක් සඳහා අවධානය යොමු නොකොට සියලූ විනාශයන්ගෙන් ගැලවී ඉතිරි වන දිය පොදත් විකිණීම වෙනුවෙන් මේ වන විටත් කටයුතු සිදු වෙමින් පවතී. ජලය විකිණීම වෙනුවෙන් කළමනාකරණය කිරීම හා සංරක්ෂණය වෙනුවෙන් කළමනාකරණය කිරීම යනු එකක් නොව දෙකක්ය. පවතින නියං තත්ත්වය සහ 2020 වන විට ශ‍්‍රී ලංකාවේ ජල හිඟයක් ඇති වනවා යැයි පවසා කළමනාකරණය කිරීමේ මුවාවෙන් ජල අයිතිය සමාගම් සතු කිරීම කෙතරම් අමන ක‍්‍රියාවක්ද? ජල කළමනාකරණයට අවශ්‍යතාවයක් තිබේ නම්, පළමුව කළ යුත්තේ ශ‍්‍රී ලංකාවේ ලක්ෂයකට වඩා ඇති වැව්, කුළු වැව්, දළු වැව්, මහවැව්, ඔළගම් වැව්, ඇළ, වේලි, විල්, ඇතුළත් වූ පැරණි ජල කළමනාකරණ සැලැස්ම නැවත සක‍්‍රීය කිරීමයි. එසේ නොමැතිව නිදහස් ජල අයිතිය පිළිබඳ මිනිසාට ඇති හිමිකම අහිමි කරමින් අණ පනත් සකසන්නේ නම්, ඒ සිදු කරමින් සියල්ල විකිණීම තම එකම දේශපාලන සැලැස්ම කරගෙන සිටින වත්මන් ආණ්ඩුව අවසානයේ බීමට දිය පොදක් හෝ නොමැති ජනතාවක් බවට මෙරට ජනතාව පත් කිරීමට හෙවත් මෙරට ජනතාවට මරණයේ දොරටුව විවර කරදීමයි.

Read more

අති විශේෂ ගැසට් පත‍්‍ර අති විශේෂ අරක්කු වගේ...!

2017-02-19     (අගුල්වඩු නයිදේ)

පි‍්‍රයදර්ශන දයාරත්න මේක අති විශේෂ ගැසට් එකක්. අති විශේෂ ගැසට් එකක් කියන්නේ අති විශේෂ අරක්කු වගේ දෙයක් නොවෙයි. ‘ශී‍්‍ර ලංකා ප‍්‍රජාතාන්ති‍්‍රක සමාජවාදී ජනරජයේ අතිගරු ජනාධිපති’ විසින් නිකුත් කරන නිල ප‍්‍රසිද්ධ ලේඛනයක්. අති විශේෂ අරක්කු මාත‍්‍රාව ඉක්මවා ගියා ම ඕිනෑ රජෙක් බලූ වෙනවා. අති විශේෂ ගැසට් එකක නියමිත මාත‍්‍රාවට නොතිබුණාමත් එහෙම වෙනවා කියලා කියන්න තරම් ප‍්‍රමාණවත් තහවුරුවක් නෑ. හැබැයි ඉතින්, අති විශේෂ ගැසට්වල මාත‍්‍රාව මොකක් වුණත්, කරන්න පුළුවන් වැඩ ගොඩක් තියෙනවා. කොළේ වහලා ගහන එක, කල්මරන එක, තනතුරු තානාත්තරවලට පත් කරන එක, නම්බුනාම දෙන එක වුණත් අති විශේෂ ගැසට් පත‍්‍රය යොදා ගන්න බැරිකමක් නෑ. කොහොම වුණත්, මෛතී‍්‍රපාල සිරිසේන ජනාධිපතිවරයා පසුගිය ජනවාරි 27 වැනිදා අති විශේෂ ගැසට් පත‍්‍රයක් නිකුත් කර තිබෙනවා. අංක 2003/41 කියන නිල අංකයෙන් ශ්‍රේෂ්ඨාධිකරණයේ විනිශ්චයකාර ගරු කංකානිතන්ති‍්‍ර චිත‍්‍රසිරි මැතිතුමා, එම අධිකරණයේම විනිශ්චයකාර ගරු ප‍්‍රසන්න සුජීව ජයවර්ධන මැතිතුමා සහ විශ‍්‍රාමික නියෝජ්‍ය විගණකාධිපති, කන්දසාමි වේළුපිල්ලේ මැතිතුමා යන ති‍්‍රපුද්ගලයන් විශේෂ ජනාධිපති කොමිෂන් සභාවකට පත් කර තිබුණා. මුළු රටේම විශාල ආන්දෝලනයකට ලක්ව තිබෙන හිටපු මහ බැංකු අධිපති, අර්ජුන් මහේන්ද්‍රන්ගේ කාලයේ සිදු වූ බැඳුම්කර මහා මංකොල්ලය ගැන සොයා බලන්නයි. මේ කොමිසම ගැන පසුගිය සතියේ ‘ලංකා’ ප‍්‍රධාන සිරස්තලයෙන් හෙළි කර තිබුණා. ‘ජනාධිපති කොමිසම පුස්සක්’ යන්න හරයයි. මෙම ජනාධිපති කොමිෂන් සභාව ගැන නීතිවේදීන්ගේ අවධානය යොමු වී තිබුණා. කොමිසමේ බලතල සහ ඒ අනුව කොමිසම ලබා දෙන නිර්දේශ ගැන සැක මතු කර තිබුණා. පසුගිය ‘ලංකා’ ප‍්‍රධාන ප‍්‍රවෘත්තියෙන් මේ ප‍්‍රශ්නය මතු කර තිබෙනවා. වැඩි දුර තොරතුරු හෙළිදරවු කිරීම මෙම ලිපියෙන් සිදු කෙරේ. ජනාධිපතිවරයා විසින් මෙම කොමිෂන් සභාව පත් කර තිබෙන්නේ මූලික අරමුණු තුනක් ඉටු කර ගැනීමට බව සඳහන්. 1. එකී අක‍්‍රමිකතා සත්‍යය බවට හෙළි වුවහොත්, මෙහි උප ලේඛනයේ සඳහන් කෙරුණු කාරණයට අදාළව සිදු කෙරෙන අක‍්‍රමිකතාවන්ට එලෙසින් සම්බන්ධ වී ඇතැයි කියනු ලබන තැනැත්තන් හඳුනා ගැනීම අවශ්‍ය වී ඇති හෙයින්. 2. අක‍්‍රමිකතා පිළිබඳව වගකිව යුතු තැනැත්තා හෝ තැනැත්තන් හඳුනා ගැනීමට අවශ්‍ය වී ඇති හෙයින් හා 3. ඉදිරි කාලයේ දී එබඳු කි‍්‍රයාවන් යළි සිදු නොවන බවට සහතික කර ගනු පිණිස කවර කි‍්‍රයාමාර්ග ගත යුත්තේද යන්න නිශ්චය කර ගැනීම යන අරමුණුය. පළමුව අක‍්‍රමිකතාවන් හඳුනාගැනීම, දෙවනුව අක‍්‍රමිකතාවන්ට වගකිව යුත්තන් හඳුනා ගැනීම සහ තෙවනුව ඉදිරියේදී එවැනි දේ වළක්වා ගැනීම යනුවෙන් ඉතා පැහැදිලිය. බැඳුම්කර සිද්ධිය සම්බන්ධයෙන් විගණකාධිපති වාර්තා කීපයක් මෙයට පෙර නිකුත් කර තිබේ. ඒ හැම වාර්තාවකදීම ‘අක‍්‍රමිකතාවක්’ (තාක්ෂණික පදය අනුවය. නැත් නම් මහ දවල් මංකොල්ලයක්* සිදු කර තිබෙන බව හෙළි කර ඇත. එයින් නොනැවැතී ඊට වගකිව යුත්තන් හඳුනා ගැනීම කෝප් කමිටු වාර්තාවෙන් සිදු කර තිබේ. බැඳුම්කර කොල්ලය සම්බන්ධයෙන් හිටපු මහ බැංකු අධිපති, අර්ජුන් මහේන්ද්‍රන් සෘජුව වගකිව යුතු බව කෝප් වාර්තාවේ සඳහන් කර තිබේ. එවැනි අක‍්‍රමිකතා වැළැක්වීමට ඉදිරියේ දී පියවර ගත යුතු බවද කෝප් වාර්තාවේ ම සඳහන්ය. එසේ නම්. විශේෂ ජනාධිපති කොමිෂන් සභාවක් යළි පත් කර තිබෙන්නේ අති විශේෂ අරක්කු මාත‍්‍රාව ඉක්මවා ගැනීමෙන් සිදු වන තත්ත්වයට පත්වීම සඳහා නොවිය යුතුය. ති‍්‍රපුද්ගල කොමිෂන් සභාවක් බැඳුම්කර නිකුත් කිරීම පිළිබඳව විමර්ශනය කර පරීක්ෂා කොට වාර්තා කළ යුතු කරුණු දහයක් දක්වා තිබේ. දහයම අවශ්‍ය නොවුණත්, අවශ්‍ය කරුණු කිහිපයක් ගැන අවධානය යොමු කිරීම වැදගත්ය. 1. ටෙන්ඩර් කැඳවීමේ හෝ ගිවිසුම් හෝ කොන්ත‍්‍රාත්වලට එළැඹීමේදී අදාළ වන නිසි කාර්ය පටිපාටිය නොසලකා හැරීමක් සිදු වී තිබේද යන්න (මෙහි පරිවර්තන හෝ මුද්‍රණ දෝෂයක් පවතින බව පැහැදිලිය. ‘අනුකූලව’ ‘අනනුකූලව’ යනුවෙන් විය යුතු බව පැහැදිලි වේ. 2. එහි කාර්ය පටිපාටියට අනුකූලව එලෙසින් කි‍්‍රයා නොකිරීම නොසලකා හැරීම හේතුවෙන් බැඳුම්කර අලෙවිය සම්බන්ධයෙන් අනිසි හෝ අක‍්‍රමික ලෙස හෝ වෙනස් ලෙස සැලැකීම මඟින් බැඳුම්කර අලෙවිය සඳහා කිසියම් ටෙන්ඩර් ප‍්‍රදානය කිරීමක් සිදු වී තිබේද යන්න. 3. රජයට ප‍්‍රශස්ත හෝ ප‍්‍රතිලාභයක් ලැබීම සහතික කර ගනු පිණිස නිසි කාර්ය පටිපාටීන් හා ආරක්ෂිත පියවර ගනු ලැබ තිබේද යන්න. 4. හානියක් හෝ හානිකර ප‍්‍රතිඵලයක් සිදු කිරීමට තුඩු දුන් හෝ අත්හැරීමක් හෝ කි‍්‍රයාකලාපයක් සම්බන්ධයෙන් වගකිව යුතු තැනැත්තා හෝ තැනැත්තන් හඳුනා ගැනීම. 5. ශී‍්‍ර ලංකා රජයට හානියක් හෝ හානිකර ප‍්‍රතිඵලයක් අත් වන ලෙස අවහිර කිරීම් සිදු කර තිබේ නම්, එම තැනැත්තන් හඳුනා ගැනීම යන කරුණු ඇතුළත්ය. මෙම වගන්ති හොරුන් අල්ලා ගැනීම කෙරෙහි බලපාන වගන්තිය. මේ අතුරින් වඩාත්ම වැදගත් වන්නේ අවසන් වගන්තිය බව පෙනේ. එහි වැදගත්ම කොටස මෙසේයි, ”අවභාවිතය හෝ බලය අනිසි ලෙස යෙදවීම, බලපෑම, මැදිහත් වීම, වංචාව, අවපරිචය, ඥාති සංග‍්‍රහය හෝ ¥ෂිත කි‍්‍රයාවක් හා සම්බන්ධ වූ ඕනෑම කි‍්‍රයාවක් හෝ පැහැර හැරීමක් සිදු වී තිබේද? යන්න සොයා බැලීමය. මෙම කටයුතු දෙස බැලීමේදී පැහැදිලි වන්නේ බැඳුම්කර වංචාව සිදු කළ විගස අගමැති පත් කළ ති‍්‍රපුද්ගල නීතිඥ කමිටුවයි. වෙනසකට ඇත්තේ, එදා නීතිඥයන් කීප දෙනෙකු වෙනුවට අද ශ්‍රේෂ්ඨාධිකරණයේ විනිශ්චයකරුවන් දෙදෙනකු සහ හිටපු නියෝජ්‍ය විගණකාධිපතිවරයකු පත් කිරීමය. අගමැති පත් කළ ති‍්‍රපුද්ගල නීතිඥ කමිටුව ඉදිරිපත් කළ නිර්දේශ අතර බෑනාගේ සමාගම වෙනුවෙන් ලංසු තැබූ ලංකා බැංකුවේ කි‍්‍රයාමාර්ගය ගැන සොයා බැලීමට නිර්දේශ තිබිණි. බැලූබැල්මට කොතරම් විනිවිද පෙනෙන නිර්දේශ දැයි කෙනෙකුට හැෙඟන්නේය. එහෙත්, ලංකා බැංකුව ගැන සොයා බැලීමට නිර්දේශ කර අර්ජුන් මහේන්ද්‍රන් නිදහස් කර තිබූ අපූරුව කොතරම් ආශ්චර්යයක්වීද? රනිල් වික‍්‍රමසිංහලා වෙනුවෙන් බැඳුම්කර සිද්ධිය සම්බන්ධයෙන් ශ්‍රේෂ්ඨාධිකරණයට මුලින්ම ඉදිරිපත් කර තිබූ පෙත්සමද මෙහිදී සිහිපත් වේ. එයින් ලබා දුන් තීන්දුව වූයේ බැඳුම්කර නිකුත් කිරීමේ කි‍්‍රයාවලිය උල්ලංඝනය කිරීමක් අදාළ බැඳුම්කර වෙන්දේසියේ දී සිදු වී නොමැති බවයි. මෙම ති‍්‍රපුද්ගල ජනාධිපති කොමිසම මඟින් බැඳුම්කර නිකුත් කිරීමේ කි‍්‍රයාවලිය පිළිබඳව අති විශේෂ අරක්කු මාත‍්‍රාව ඉක්මවා ගිය පුද්ගලයකුගේ බේබදු ගතිය මතු නොකරාවි යැයි ඉහත වගන්තිවලින් නොපෙනේ. මෙහි වැඩි දුරටත් සඳහන් වන්නේ බැඳුම්කර නිකුත් නොකිරීම පිළිබඳව නිර්දේශ ඉදිරිපත් කිරීමට කමිටුව පත් කර තිබෙන බවයි. කමිටු වාර්තාව මාස තුනක් තුළ ඉදිරිපත් කරන ලෙසද දක්වා ඇත. මාස තුනක් තුළ නිර්දේශ ඉදිරිපත් කිරීම වශයෙන් දැන්වීම සාමාන්‍ය දෙයකි. කොමිෂන් සභාවේ කටයුතු කරගෙන යාමේදී කාලය දීර්ඝ කර ගැනීමට අවශ්‍ය වන්නේ නම්, ඒ සඳහාද ඉඩකඩ ඇත. මේ වන විටද, බැඳුම්කර කොල්ලය සිදු කර අවුරුදු දෙකක් සම්පූර්ණ වී තිබේ. මුල්ම කොල්ලය සිදු කරන ලද්දේ 2015 පෙබරවාරි 27 වැනිදායි. ඉන් පසු එයට නොදෙවැනි තවත් මහා කොල්ලයක් සිදු කරනු ලැබීය. කෙසේ වෙතත්, ජනාධිපතිවරයා පත් කර තිබෙන කොමිෂන් සභා වාර්තාව ලබා දීම තව දුරටත් කල්මැරීමට යොදා ගැනීමේ හැකියාවක් ඉහළින්ම තිබේ. එය කොමිෂන් සභාවේ අභිමතය නොවිය හැකිය. නමුත්, දේශපාලන ලෝකයේ එවැනි දේ සිදු වීම අති විශේෂ නොවේ. අනෙක් පැත්තෙන් ජනාධිපති කොමිෂන් සභාව පත් කරන ලද්දේ අපරාධ නීතිය යටතේ වැරදිකරුවන්ට නඩු පැවරීමේ අරමුණින් බව කියැවේ. නමුත්, කොමිෂන් සභාවේ තිබෙන බලතල අනුව එයින් ඉදිරිපත් කරන වාර්තාව පදනම් කරගෙන සිවිල් නීතිය යටතේ නඩු පැවරීම සිදු වන්නේ යැයිද නීතිවේදීන් ප‍්‍රකාශ කර තිබෙන බවට මාධ්‍ය වාර්තා පළ වේ. මේ ආදී කරුණු හමුවේ මතුව තිබෙන ප‍්‍රශ්නය වන්නේ අති විශේෂ අරක්කු මාත‍්‍රාව ඉක්මවා ගිය විට ඇති වන තත්ත්වයට ජනාධිපති කොමිෂන් සභාවේ වාර්තාව පත්වේද යන්නයි. මේ වන විට මහත් ආන්දෝලනයක්ව තිබෙන බැඳුම්කර කෝප් වාර්තාව අනුව ඉතා පැහැදිලිව කරුණු හෙළි කර තිබේ. මහා කොල්ලයක් සිදු කර තිබීම කොල්ල කන ලද මුදල් තිබීම සහ කොල්ලකරුවන් හඳුනාගෙන තිබීම ආදී වශයෙනි. එය පදනම් කරගෙන අපරාධකරුවන්ට විරුද්ධව නීතිය කි‍්‍රයාත්මක කළ හැකිය. නීතිය කි‍්‍රයාත්මක කිරීම කෙසේ වෙතත්. බැඳුම්කර කොල්ලය ගැන නිල වශයෙන් කරුණු තහවුරු කරන විගණකාධිපතිවරයාට විරුද්ධව කි‍්‍රයා කිරීමට නම්, හවුල් ආණ්ඩුවේ බොහෝ දෙනෙකුට ලොකු වුවමනාවක් ඇත. අනෙක් පැත්තෙන් මේ වන විට තවත් විශේෂ සංවාදයක් වර්ධනය කෙරෙමින් තිබේ. අර්ජුන් මහේන්ද්‍රන් මහ බැංකුවේ ධනය පෞද්ගලික කටයුතු වෙනුවෙන් අයථා ලෙස යොදාගෙන තිබෙන බව හෙළි වීම පදනම් කරගෙනය. මෙයින් වංචා කර තිබෙන මුදල රුපියල් ලක්ෂ 662කි. ශී‍්‍ර ලංකා මහ බැංකුවේ අභ්‍යන්තර විගණන දෙපාර්තමේන්තුව විසින් සිදු කළ විගණන වාර්තාවක් 2016 අගෝස්තු පළමුවැනි දින වර්තමාන මහ බැංකු අධිපතිට ලබා දී ඇත. නමුත්, එම වාර්තාව සම්බන්ධයෙන් කි‍්‍රයාමාර්ගයන් මේ දක්වා නොගෙන තිබිණි. මාස හයකට පසුව එම වාර්තාව ජනතා විමුක්ති පෙරමුණේ ‘¥ෂණ විරෝධී හඬ’ සංවිධානයට ලැබී තිබේ. එහි කැඳවුම්කරු වසන්ත සමරසිංහ එම විගණන වාර්තාවේ සඳහන් කරුණු පිළිබඳව රටට හෙළි කළේය. එයට පිළිතුරු දීමට අර්ජුන් මහේන්ද්‍රන් කට ඇර තිිබිණි. අර්ජුන් මහේන්ද්‍රන් කියා තිබුණේ මහින්ද රාජපක්ෂගේ යුගයේ හිටපු ¥ෂිත නිලධාරීන් තමන්ට විරුද්ධව මඩ ප‍්‍රචාරයක් ගෙන යමින් සිටින බවයි. එයින් නොනැවතී දැන් අර්ජුන් මහේන්ද්‍රන් වෙනුවෙන් තමන් නිවේදන නිකුත් කිරීමට පටන්ගෙන තිබේ. හිටපු මහ බැංකු නියෝජ්‍ය අධිපතිවරයකු බව කියන පුද්ගලයකු මාධ්‍ය නිවේදන නිකුත් කිරීමයි. එයින් දක්වා තිබෙන්නේ මහ බැංකු විගණන අංශයේ එක් නිලධාරිනියක විසින් හිතුමතයේ අදාළ විගණන වාර්තාව සකස් කර ඇති බවයි. වර්තමාන අධිපතිවරයා එය පිළිනොගෙන පැත්තකට දමා තිබූ බවද දක්වා තිබේ. එම විගණන වාර්තාව බොරු එකක් නම්, එවැනි නොමඟ යැවීමේ වාර්තා සකස් කිරීමට විරුද්ධව වර්තමාන අධිපතිට කි‍්‍රයාමාර්ග ගැනීමේ හැකියාව තිබේ. තවමත් එවැනි දෙයක් කර නොමැත. එසේ කිරීමට 2016 අගෝස්තු මස සිට මේ දක්වා ඕනෑ තරම් කාලයක් තිබිණි. එහෙත්, එවැනි කිසිම දෙයක් නොවී දැන් හිටපු නියෝජ්‍ය අධිපති යැයි කියා ගන්නා පැන්ෂන්කාරයන්ද දී කිරට සාක්කි කියන බළලූන් වී ඇති බව පෙනේ. අති විශේෂ අරක්කුවලින් ජනාධිපතිගේ අති විශේෂ ගැසට් පත‍්‍රය වෙනස් වන්නේ කෙසේ දැයි තීරණය වන්නේ මෙම පසුබිම තුළය.

Read more
ආලෝකය

රිචඞ් ද සොයිසා නම් වූ මානව හිතවාදියා

2017-02-26     (ඒස්.කේ ගමගේ)

යුක්තිය වෙනුවට අයුක්තියත්, සාධාරණය වෙනුවට අසාධාරණයත්, මනුෂ්‍යත්වය වෙනුවට අමානුෂිකත්වයත් රජ කළ යුගයක ඊට අරගල කළ ශ්‍රේෂ්ඨතමයන් අතර හමු වන අභීත මාධ්‍යකරුවා වනුයේ රිචඞ් ද සොයිසාය. එක් අතකින් ඔහු ප‍්‍රවීණ ජනමාධ්‍යවේදියෙකි. තවත් අතකින් ලොවම පිළිගත් අද්විතීය මානව හිමිකම් කි‍්‍රයාකාරිකයෙකි. එසේම ඔහු ජනහිතකාමී කලාකරුවෙකි. එජාප ආණ්ඩුව විසින් අයුක්තිසහගත අයුරින් කෲර වධ බන්ධනයන්ට ලක් කර මරා දමා පසුගිය 19 වෙනිදාට වසර 27ක් සපිරේ. ඔහු මරා දැමූවද, ඔහුගේ මතකය කිසිදා මානවහිතවාදී ජන හදවත් තුළින් ඈත් නොවන බව යථාර්ථයක් වී තිබේ. රිචඞ් ද සොයිසා උපත ලබන්නේ 1958 මාර්තු 18 වෙනිදා කොළඹදීය. ඔහුගේ පියා වූයේ ලූෂන් ද සොයිසා මහතාය. ඔහුගේ මව ආචාර්ය මනෝරාණි සරවනමුත්තුය. ඇය ප‍්‍රකට වෛද්‍යවරියකි. රිචඞ් අධ්‍යාපනය හදාරා ඇත්තේ ගල්කිස්ස ශාන්ත තෝමස් විද්‍යාලයෙනි. ඉංගී‍්‍රසි අංශයෙන් අධ්‍යාපනය හැදෑරූ රිචඞ් පාසල් කාලය තුළ දීම සුවිශේෂී දක්ෂතා දැක්වීය. විශේෂයෙන්ම ඔහු අතිදක්ෂ කථිකයෙකි. එසේම ඔහු අතිදක්ෂ රංගධරයෙකු ලෙසින්ද කැපී පෙනිණි. නාට්‍යකරණය පිිළිබඳව ඔහු තුළ පැවැතියේ සුවිශේෂී හැකියාවකි. බටහිර ශාස්තී‍්‍රය සංගීතය සහ ඔපෙරා ඔහුගේ විනෝදාංශ වී ඇත. ඔහු ජනපි‍්‍රය බටහිර නාට්‍ය නිෂ්පාදකයෙකු මෙන්ම නළුවෙකුද විය. රිචඞ්ද සොයිසාගේ දක්ෂතා පිළිබඳව වර්තමාන සමාජය මැනැවින් තේරුම් ගත යුතුමය. විශේෂයෙන්ම මාධ්‍ය ක්ෂේත‍්‍රයේ නියැළී සිටින්නවුන් රිචඞ් නම් අදීන මාධ්‍යවේදියා කියැවිය යුතුමය. රිචඞ් ශාස්තී‍්‍රය සංගීතයට බෙහෙවින්ම ඇළුම් කළේය. ඔහු උරුවම් බාන්නේද (විසිල්* යම් රිද්මයකට අනුවය. මැග්නර්, මෝසාට්, ගෝපැන්, චැස්කොව්ස්කි නිරතුරුවම ඔහුගේ මුවග රැුඳී තිබුණේය. රිචඞ් පාසල් ජීවිතයේදී කැපී පෙනෙන දක්ෂතා පෙන්නුම් කොට ඇති බවට සාක්ෂි හමු වේ. ගල්කිස්ස ශාන්ත තෝමස් විද්‍යාලය මඟින් ඉංගී‍්‍රසි සාහිත්‍යය සඳහා පිරිනමනු ලබන ත්‍යාග ති‍්‍රත්වයක් දිනා ගැනීමට සමත් වූ එකම ශිෂ්‍යයා බවටද පත්විය. විදුහල්පති ශාස්තී‍්‍රය ත්‍යාගය, පීරිස් සිරිවර්ධන රන් පදක්කම, අර්න්ඞ් ත්‍යාගය යන ති‍්‍රත්වය එයයි. එමෙන්ම ඔහු ශාන්ත තෝමස් විද්‍යාලයේ සාහිත්‍ය සඟරාවේ සංස්කාරකවරයාද විය. ඔහු පාසල තුළ සුවිශේෂී රංගධරයෙකු විය. අන්තර් පාඨශාලීය ෂේක්ස්පියර් නාට්‍ය තරගාවලියේ හොඳම නළුවාට හිමි සම්මානය දෙවරක් දිනාගැනීමට සමත් විය. ඒ 1973 සහ 1975 යන වර්ෂවලදීය. පාසලේ විවාද කණ්ඩායමේ නායකයා වූයේද රිචඞ්ය. ගල්කිස්ස ශාන්ත තෝමස් විද්‍යාලයේ ආදර්ශ පාර්ලිමේන්තුවේ කතානායකවරයා වූයේද රිචඞ්ය. එම පාර්ලිමේන්තුවේ නිදහස් සමාජවාදී පක්ෂයේ මන්තී‍්‍රවරයෙකු සහ ඇමතිවරයෙකු ලෙසින්ද ඔහු කටයුතු කොට ඇත. රිචඞ්ද සොයිසා යනු එක් වෘත්තියකට පමණක් සීමා වූ පුද්ගලයෙකු නොවීය. ඔහු සතුව බහුවිධ හැකියාවන් පැවැතිණි. එසේ ම ඔහු බහුවිධ ක්ෂේත‍්‍රයන් නියෝජනය කළ පුද්ගලයෙකි. පාසල් ජීවිතයෙන් සමුගත් ඔහු බි‍්‍රතාන්‍ය මණ්ඩලය සමග නිෂ්පාදනය කළ වේදිකා නාට්‍ය කිහිපයකම රගපෑවේය. ආචාර්ය ලෙස්ටර් ජේම්ස් පීරිස් අධ්‍යක්ෂණය කළ 1983දී තිරගත වූ ‘යුගාන්තය’ චිත‍්‍රපටයේ සහ 1987දී තිරගත වූ ‘සත්‍යග‍්‍රහණය’ සිනමා පටයේ රඟපෑවේය. යුගාන්තය චිත‍්‍රපටයේ මාලින්ගේ චරිතය මැනැවින් රඟ පෑ රිචඞ් පොදු ජනතාවගේ හඬ නියෝජනය කළේය. ඒ ඔහුගේ පළමු චිත‍්‍රපටය විය. මීට අමතරව ’යශෝරාවය’ ටෙලි නාට්‍යය තුළින් රිචඞ් සිය රංගන කුසලතාවයන් මැනැවින් ප‍්‍රදර්ශනය කළේය. මීට අමතරව රිචඞ් දක්ෂ කවියෙකු විය. ඔහු නිකම් ම නිකම් කවියෙකු නොවීය. රිචඞ් එඩිතර ජනතාවාදී කවියෙකි. ඔහු සිය කවිය හරහා ජන හදවත් අවදි කළේය. රිචඞ්ගේ භූමිකාව වඩාත් ප‍්‍රකට වන්නේ පුවත්පත් කලාවේදියෙකුගේ භූමිකාවෙනි. රිචඞ් ‘සන්ඬේ අයිලන්ඞ්’ පුවත්පතට ලිපි ලීවේය. ඔහුගේ ජනමාධ්‍ය භූමිකාව පුවත් පත් කලාවට පමණක් සීමා වූයේ නැත. ඔහු රූපවාහිනියේ සහ ගුවන් විදුලියේ දක්ෂ ඉංගී‍්‍රසි නිවේදකයෙකු විය. රිචඞ්ගේ ඉංශී‍්‍රසි උච්චාරණය ඉතා ගැඹුරුය. එසේ ම ඉතා ප‍්‍රශස්ත මට්ටමක ඉංගී‍්‍රසි දැනුමක් විය. ඒ නිසාම ඔහුට අන්තර් ජාතික කීර්තියක්ද හිමිවිය. ඒ හේතුවෙන් ඔහු අන්තර්ජාතික තලයේ මාධ්‍යවේදියෙකු විය. රෝමය මූලස්ථානය කොට ගත් ‘ඉන්ටර්ප්‍රෙස්’ ප‍්‍රවෘත්ති සේවයේ ශී‍්‍ර ලංකාවේ සහ ආසියානු කලාපයේ නියෝජිතයා ලෙසින්ද කටයුතු කළේ රිචඞ්ය. රිචඞ්ද සොයිසා සිය මාධ්‍ය භූමිකාව ගෙන ගියේ සාධාරණය හා සමාජ යහපත වෙනුවෙනි. 1988-1989 මර්දනකාරී වටපිටාව තුළදී පවා ඔහුගේ අභීත මාධ්‍යකරණය අත්හළේ නැත. ඔහු රට පුරා තොරතුරු සොයා ගියේය. ඒ වන විට මිනීමරු ගහලයන් ආණ්ඩුවට එරෙහි වන කවර පුද්ගලයෙකුට වුවද, සිය මර්දන හස්තය දිගුකොට පැවතියේය. එයට කිසි විටෙක යට නොවූ, බිය නොවූ රිචඞ් මාධ්‍යවේදියෙකුගේ ශ්‍රේෂ්ඨතම යුතුකම ඉටු කරමින් සිටියේය. එජාප ආණ්ඩුව මුදා හළ ම්ලේච්ඡු දරුණු රාජ්‍ය ත‍්‍රස්තවාදය විසින් කළ අත්අඩංගුවට ගැනීම්, පැහැර ගැනීම්, අතුරුදහන් කිරීම්, සහ මනුෂ්‍ය ඝාතන නිමක් නොවීය. තැන තැන තරුණ මළසිරුරු විය. ටයර් සෑයවල් මහ දවාලේ පවා දැක ගත හැකි විය. මේ කාලවකවානුවේදී බොහෝ මාධ්‍යවේදීන් අසීරු මාධ්‍යකරණයක යෙදී සිටියදී පවා රිචඞ් සිය යුතුකම කළේ මර්දනයට, භීෂණයට බියේ පලා නොයමිනි. ඔහු සිය සබඳතා උපරිම ලෙස ප‍්‍රයෝජනයට ගනිමින් එවකට ආණ්ඩුවේ රාජ්‍ය ත‍්‍රස්තවාදය සම්බන්ධයෙන් සහ මානව හිමිකම් කඩ වීම් සම්බන්ධ තොරතුරු එක්රැුස් කළේය. මිනීමරු පාලනය විසින් 1988 - 1989 වකවානුවේදී ඉතාමත් අමානුෂික හා අයුක්තිසහගත අයුරින් හැට දහසකට අධික පිරිසක් ඝාතනය කළේය. ඝාතනය කළා පමණක් නොව එය ජාත්‍යන්තරයට හෙළිදරවු වීම වැළැක්වීමට කටයුතු කරමින් සිටියේය. රිචඞ්ද සොයිසාගේ මාධ්‍ය මෙහෙවර හේතුවෙන් මේ සියලූ තත්ත්වයන් ජාත්‍යන්තරයට හෙළිදරවු වෙමින් පැවතියේය. මේ තත්ත්වය හේතුවෙන් එජාප පාලනය යම් තැතිගැන්මකට ලක්ව සිටියේය. ඔහු කිසි විටෙක හීලෑ කර ගත හැකි මාධ්‍යවේදියෙකු නොවන බවද පාලකයන් දැන සිටියේය. මේ වන විට රිචඞ් ‘ඉන්ටර්ප්‍රෙස්’ ප‍්‍රවෘත්ති සේවයේ අධ්‍යක්ෂවරයා ලෙස පත් කර තිබුණේය. ඒ අනුව ඔහුට 1990 පෙබරවාරි මස 26 හෝ 27 එහි වැඩ භාර ගැනීමට ලිස්බන් නගරය වෙත යා යුතුව තිබිණි. ඔහු එහි ගියේ නම්, 1988 - 1989 ලංකාවේ සිදු වූ ඝාතනයන් පිළිබඳවත්, මානව හිමිකම් කඩවීම් පිළිබඳවත් ඇත්ත ගැන ලෝකය දැනුම්වත් වීමේ ඉඩකඩ පැවතියේය. 1990 වසර වන විට රිචඞ් ‘මේ කවුද මොනවද කරන්නෙ’ යන නාට්‍යය රචනා කොට තිබිණි. මෙය රණසිංහ පේ‍්‍රමදාසගේ ඒකාධිපති වියරු පාලනය සම්බන්ධයෙන් නිර්මාණය වී තිබූ උපහාසාත්මක නාට්‍යයකි. මෙම නාට්‍යය මහජන ප‍්‍රදර්ශනයට සූදානම්ව තිබුණේ ද 1990 පෙබරවාරි මාසයේ මුල් සතියේය. මෙම නාට්‍යය ප‍්‍රදර්ශනය කිරීමට පෙර දිනයේ නාට්‍යයේ නිෂ්පාදකවරයා පැහැරගෙන ගොස් ඝාතනය කිරීමට ආණ්ඩුවේ ගහලයන් කටයුතු කොට තිබිණි. රිචඞ්ද සොයිසා නම් අප‍්‍රතිහත මිනිසා, මානව හිතවාදී මාධ්‍යවේදියා, ශ්‍රේෂ්ඨ කලාකරුවා, මානව හිමිකම් කි‍්‍රයාධරයා එජාප කුලී මිනීමරුවන් විසින් පැහැරගෙන ගොස් ඇත්තේ, ‘මේ කවුද මොනවද කරන්නෙ’ නාට්‍යයේ නිෂ්පාදකවරයා ඝාතනය කිරීමෙන් සති තුනකට පසුවය. මේ පිළිබඳව ජවිපෙ හිටපු නායක සෝමවංශ අමරසිංහ මහතා විශේෂ හෙළිදරව්වක් කළේය. ඒ ඔහුට දින කිහිපයකට ලංකාවේ සුරක්ෂිතව නතර වීමට තැනක් රිචඞ් ලබා දීම සම්බන්ධවය. රිචඞ්ගේ විදේශගත මිතුරකුගේ කොළඹ පිහිටි නිවසක් ලබාදීම සම්බන්ධයෙන් ප‍්‍රශ්න කිරීමට රිචඞ් පැහැර ගත් බවට තොරතුරු හෙළිදරවු වන බව අමරසිංහ මහතා හෙළි කර තිබුණේ අමරසිංහ මහතා මිය යාමට ආසන්න කාලයේය. රිචඞ් ද සොයිසා පැහැරගෙන ගොස් ඇත්තේ 1990 පෙබරවාරි මස 18 වැනිදා අලූයම 3.30ටය. ඒ සඳහා භාවිත කොට ඇත්තේ 32 ශී‍්‍ර 4748 දරන කොල පාට ජීප් රථයයි. ජීප් රියේ පැමිණ ඇත්තේ ඝාතන චෝදනා රැුසක් එල්ල වූ පොලිස් අධිකාරී රොනී ගුණසිංහ ඇතුළු ගහලයන් කණ්ඩායමකි. පැහැර ගැනීමෙන් පසු රිචඞ් ද සොයිසා නම් අසහාය මානව හිතවාදියා අනේකවිධ වධ බන්ධනයන්ට ලක් කර ඇත. එහෙත්, ගහලයන් බලාපොරොත්තු වූ කිසිවක් මේ අදීන මාධ්‍යවේදියාගෙන් ලබා ගත නොහැකි වී ඇත. ඔහුගේ හිසේ පිටුපසට හා උගුරට වෙඩි තබා ඝාතනය කර ඇත. ඉන්පසු කුලී මිනීමරුවන් රිචඞ්ගේ නිසල දේහය හෙලිකොප්ටරයකින් ගෙන ගොස් ඈත මුහුදට දමා ඇත. පසුව පෙබරවාරි 19 වෙනිදා මොරටුව කොරළවැල්ල මුහුදු වෙරළට ගොඩගසා තිබියදී ඔහුගේ සිරුර හමු විය. මේ ඝාතනය සම්බන්ධයෙන් ජාතික හා ජාත්‍යන්තර වශයෙන් දැවැන්ත විරෝධයක් එවකට ආණ්ඩුවට එල්ල විය. අද මානවහිතවාදය, සංහිඳියාව, ප‍්‍රජාතන්ත‍්‍රවාදය, පිළිබඳව මහ ඉහළින් කතා කරන එජාප නායකයන්ගේ කෙරුවාව මේ සිදුවීම් හරහා ලොවටම හෙළිදරවු විය. දැන් එළැඹ ඇත්තේ රිචඞ්ලාට සාධාරණය ඉටු කළ යුතු මොහොතයි. මේ ගෞරවනීය සිහි කිරීම ඒ වෙනුවෙනි. වඩාත් සාධාරණ දේශයක්, යුක්තිගරුක පාලනයක් රට තුළ නිර්මාණය කර ගන්නා තුරු රිචඞ් ඇතුළු සාධාරණය, යුක්තිය වෙනුවෙන් අයුක්තිසහගත මරණයන් උරුම වූ මිනිසුන්ට සාධාරණය ඉටු නොවේ. රිචඞ්ලාට සාධාරණය ඉටු කළ හැක්කේ යුක්තිගරුක පාලනයක් වෙත සමාජය පරිවර්තනය කිරීමෙන් පමණකි. පමණක්මය.

Read more

දුක්විඳින මිනිසුන් වෙනුවෙන් දිවියම කැප කළ නන්දතිලක ගලප්පත්ති

2017-02-19     (ඒස්.කේ ගමගේ)

දේශයේ නිදහසත්, ජනතාවගේ විමුක්තියත් උදෙසා ජීවිත කැප කළ සුවහසක් විරුවන්ගේ ලෙයින් මේ මාතෘභූමිය පෝෂණය වී ඇත. ලාංකීය ධනපති පංතියට එරෙහිව අරගල බිමට පැමිණි ශ්‍රේෂ්ඨ විරුවන් රැුසක් මේ මව්බිමට අහිමි කළ අරගල දෙකක් පිළිබඳව මෑත ඉතිහාසයේ ලියැවී ඇත. 1971 අරගලය සහ 88 - 89 දේශපේ‍්‍රමී අරගලය ඒ අරගල දෙකයි. සුවහසක් දුක් විඳින ලාංකීය ජනතාව වෙනුවෙන් කැපවීම් කළ ප‍්‍රධානතම වාමාංශික දේශපාලන ව්‍යාපාරය වූ ජනතා විමුක්ති පෙරමුණ විසින් ඒ දැවැන්ත අරගල දෙකට නායකත්වය සපයන ලදී. ශී‍්‍ර ලංකා නිදහස් පක්ෂය 1971දීත්, එක්සත් ජාතික පක්ෂය 1988 - 1989දීත් එම අරගල දෙක ලෙයින්, යකඩින් සහ ගින්දරින් අමානුෂික ලෙස මර්දනය කළේ ය. ඒ අමානුෂික අයුක්තිසහගත මර්දනය හමුවේ අභීතව සටන් කළ සටන් සගයන් රැුසක් මේ මාතෘභූමියට අහිමි විය. ඒ අහිමි වූ ශ්‍රේෂ්ඨ විප්ලවවාදී විරුවන් අතර නන්දතිලක අමදෝරු ගලප්පත්ති හෙවත් ආරි අයියා රාජ්‍ය මර්දනය හමුවේ පළා නොයමින්, මර්දනයට මුහුණ දෙමින් අරගල භූමියේ දී ම ජීවිතය පූජා කළේය. නන්දතිලක අමදෝරු ගලප්පත්ති සිය ජීවන ගමන අරඹන්නේ දකුණු පළාතේ හම්බන්තොට දිස්ති‍්‍රක්කයේ තිස්සමහාරාමයේ උඩුවිල යන ග‍්‍රාමයෙන් ය. සහෝදරියන් තිදෙනෙකුගේ සහ සහෝදරයෙකුගේ සොහොයුරෙකු වූ අමදෝරු, එවක රබර්වත්ත විද්‍යාලය ලෙසින් ප‍්‍රකට, අද හ/මැදවැලෑන මහා විද්‍යාලය ලෙසින් හඳුන්වනු ලබන පාසලින් අ.පො.ස. සාමාන්‍ය පෙළ දක්වා ද, එකල දෙබරවැව මහා විද්‍යාලය හෙවත් අද හ/දෙබරවැව ජාතික පාසලෙන් උසස් පෙළ ද සමත් විය. පාසල් අධ්‍යාපනය තුළ දී ශාස්තී‍්‍රය කටයුතුවලින් පාසලට ගෞරවයක් ලබා දුන් අමදෝරු, රබර්වත්ත පාසලෙන් විශ්වවිද්‍යාලයට ඇතුළත් ප‍්‍රථම ශිෂ්‍යයා වශයෙන් ද පාසලට ගෞරවයක් ලැබ දුන්නේ ය. කුඩා කාලයේ සිටම වීරත්වය ප‍්‍රකට කළ ඔහු සිය පවුල් පසුබිම තුළ හැදී වැඩුණේ හැම විටම අසාධාරණයට, අයුක්තියට එරෙහි වෙමිනි. පාසල් අධ්‍යාපනය තුළ දී ගුරුවරුන්ගේ නොමඳ ආදරය දිනූ ඔහු පාසලේ දීප්තිමත් ශිෂ්‍යයෙකු විය. මූලික අධ්‍යාපනය ඉතාමත් මැනැවින් ප‍්‍රගුණ කළ ඔහු උසස් අධ්‍යාපනය ද මැනැවින් හදාරා 1967 වසරේ දී විද්‍යෝදය විශ්වවිද්‍යාලයට හෙවත් ශී‍්‍ර ජයවර්ධනපුර විශ්වවිද්‍යාලයට ඇතුළු වන්නේය. ඔහුගේ ජීවිතයේ තීරණාත්මක කාල පරිච්ෙඡ්දය ආරම්භ වන්නේ විශ්වවිද්‍යාලය තුළ දී ය. ඒ වන විට පැරැුණි වමේ නායකයන්ගේ දේශපාලන භාවිතය රට තුළ කි‍්‍රයාත්මකව පැවතියේ ය. ඔහු විශ්වවිද්‍යාලයට යන විට ජනතා විමුක්ති පෙරමුණ බිහි කර වසර දෙකක් ගත වූවා පමණි. මේ නැවුම් දේශපාලන ව්‍යාපාරයට ශිෂ්‍ය දේශපාලනය හරහා සම්බන්ධ වන අමදෝරු සැබෑ වමේ දේශපාලනය මැනැවින් ප‍්‍රගුණ කළේ ය. පැරැුණි වම විසින් වාමාංශික මතවාදය ධනපති පංතිය හමුවේ පාවා දී තිබූ මොහොතක ජ.වි.පෙ. දේශපාලනය කිරීම අභියෝගයක් ම විය. එහෙත්, ඒ අභියෝගය කරට ගත් අමදෝරු ජ.වි.පෙ. දේශපාලනය වෙනුවෙන් මුළු ජීවිතයම කැප කළේ ය. රටත්, රටේ ජනතාවගේ විමුක්තියත් උදෙසා පෙරළා කිසිවක් බලාපොරොත්තු නොවී කැප වීම් කිරීමේ හැකියාව ඇත්තේ ශ්‍රේෂ්ඨ මිනිසුන්ට පමණක් බව ඔප්පු කරමින්, ඔහු ජ.වි.පෙ. පූර්ණකාලීන දේශපාලනයට අවතීර්ණ විය. ජ.වි.පෙ. වැඩකටයුතු වෙනුවෙන් කි‍්‍රයාත්මක වූ අමදෝරු එකට වැඩ කළ සගයන් අතර ප‍්‍රචලිත වූයේ ‘පෙරේරා අංකල්’ යන ආදරණීය නාමයෙනි. සමඟි පෙරමුණු රජයේ මර්දනය හමුවේ රටටත්, ජනතාවටත් ආදරය කිරීමේ වරදට අමදෝරු 1971 අපේ‍්‍රල් අරගල සමයේ දී අත්අඩංගුවට ගන්නා ලදී. අත්අඩංගුවට පත් වුව ද, දුර්වලයෙකු නොවී එළැඹි තත්ත්වයට අභීතව මුහුණ දෙමින් කටයුතු කිරීමේ අපූර්ව හැකියාවක් ඔහු සතුව පැවතියේ ය. අත්අඩංගුවට පත් අමදෝරු හට සිරගෙදර දී පැපොල රෝගය වැළඳිණි. එම රෝගී තත්ත්වය උත්සන්න වී ඔහු මාරාන්තික තත්ත්වයට පත් විය. එහෙත් ඔහුගේ ශරීරය දුර්වලව ගිය ද, සිත එඩිතරව පැවතියේ ය. ඔහු ක‍්‍රමයෙන් රෝගී තත්ත්වයෙන් මිදුණේ ය. සිරගෙදර තුළ දී ජ.වි.පෙ. දේශපාලනය තව තවත් මැනැවින් ප‍්‍රගුණ කළ අමදෝරු සිරගෙදර තුළ දී ද තවත් සගයන්ට දේශපාලනය සරළව කියා දුන්නේ ය. අවසානයේ 1976 වසරේ දී ඔහුට නිදහස හිමි වන්නේ ය. සිරගෙදරින් නිදහස ලද අමදෝරු නැවත පක්ෂ සංවිධාන කටයුතුවලට සකී‍්‍රයව දායකත්වය සපයන්නට විය. පක්ෂ නායකයන් රැුසක් මරා දමා ඇති තත්ත්වයක් තුළ වේගයෙන් වැඩ කරමින් යළි පක්ෂය ඉහළට ඔසවා තැබීම වෙනුවෙන් දිවිහිමියෙන් කැප වී වැඩ කළේ ය. ප‍්‍රබල ලෙස පක්ෂ සංවිධාන කටයුතුවලට දායකත්වය දැක් වූ අමදෝරු 1979 වසරේ දී පක්ෂයේ මධ්‍යම කාරක සභාවට තෝරා පත් කර ගැනිණි. නන්දතිලක අමදෝරු ගලප්පත්ති පක්ෂයේ ප‍්‍රචාරක වැඩ සඳහා ද විශාල දායකත්වයක් දැක්වූවේ ය. එකල පක්ෂය විසින් පවත්වාගෙන ගිය සුප‍්‍රසිද්ධ කොහිලවත්ත මුද්‍රණාලයේ වැඩකටයුතු පැවරී තිබුණේ ද අමදෝරුට ය. ජවිපෙ නිල පුවත් පත වූ ‘නියමුවා’ පුවත් පත ද, ‘සීනුව’ පුවත් පත ද, කම්කරු සංගමයේ පුවත් පත වන ‘රතු ලංකා’ පුවත් පත ද, ‘සෙන් ශක්ති’ දෙමළ පුවත් පත ද ඇතුළු පක්ෂය විසින් මුද්‍රණය කළ කැලැන්ඩර්, සඟරා ආදී සියලූ ප‍්‍රකාශන මුද්‍රණය කළේ මෙම මුද්‍රණාලයේ ය. 1979 ජනවාරි සිට පක්ෂය තහනම් කරන තුරු හා ඉන් පසුවත් ඒ වැඩකටයුතු භාරව කි‍්‍රයා කළේ අමදෝරු ය. ඔහු සමඟ කොහිලවත්ත මුද්‍රණාලයේ 52ක පමණ කණ්ඩායමක් වැඩ කළේ ය. 1982 වකවානුවේ ‘සීනුව’ පුවත් පත දිනපතා පුවත් පතක් ලෙස ජනතාව අතරට ගෙන යාමට පවා කටයුතු යොදා තිබිණි. ජේ. ආර්. ජයවර්ධනගේ දරදඬු පාලනය විසින් 1983 වසරේ දී ජනතා විමුක්ති පෙරමුණ අසාධාරණ හා අයුක්තිසහගත ලෙස තහනමට ලක් කළේ ය. 1982 දෙසැම්බර් මස දී ජේ. ආර්. ජයවර්ධනගේ අසාධාරණ ජනමත විචාරණයට එරෙහිව ජ.වි.පෙ. නායක රෝහණ විජේවීර අධිකරණ කි‍්‍රයාමාර්ගයක නිරතව සිටියේ ය. ඒ අනුව ජේ. ආර්. ජයවර්ධන මේ නඩුවෙන් පරාජයට පත් වීමේ ඉම දක්වා පැමිණ සිටියේ ය. ඊට අමතරව ඒ වන විට ආණ්ඩුවට එරෙහිව සකී‍්‍රයව සිටි ප‍්‍රධානම බලවේගය වූයේ ජ.වි.පෙ.ය. 1983දී එ.ජා.ප.ය විසින්ම නිර්මාණය කළ ‘කළු ජූලිය’ පදනම් කරගෙන අසාධාරණ ලෙස පක්ෂ කිහිපයක් තහනම් කරන ලදී. ජනතා විමුක්ති පෙරමුණ ද ඒ අනුව තහනම් කළේ ය. අනෙක් පක්ෂවල තහනම ඉවත් කළ ද, ජ.වි.පෙ. තහනම දිගින් දිගටම පවත්වාගෙන ගියේ ය. තහනම් කළා පමණක් නොව දැවැන්ත මර්දනයක් ද දියත් කළේ ය. තහනම් තත්ත්වය තුළ ඇතැම් අය පක්ෂ වැඩ කටයුතුවලින් ඉවත්ව ගියේ ය. ඒ අතර, ඉහළ වගකීම් දැරූ අය ද විය. එහෙත්, පක්ෂයේ ශක්තිවන්තයන් අතර සිටි අමදෝරු පෙරටත් වඩා ධෛර්යයෙන් පක්ෂයේ වැඩකටයුතු වෙනුවෙන් කැප වූයේ ය. 1983 පක්ෂ තහනමින් පසු ජ.වි.පෙ. යළි වැඩකටයුතු අරඹද්දී හෙතෙම පක්ෂයේ දේශපාලන මණ්ඩලයට තෝරා පත් කර ගැනිණි. 1985 වර්ෂයේ දී ඔහු වෙත පක්ෂය විසින් තවත් භාර¥ර වගකීමක් පැවරුවේ ය. ඒ කළුතර දිස්ති‍්‍රක් ලේකම්වරයා ලෙස පත් කරමිනි. තහනම් තත්ත්වය තුළ වැඩකටයුතු කිරීම අභියෝගයක් වුව ද, එම අභියෝගය නොපැකිලව භාර ගත් අමදොරු පක්ෂය ඉල්ලා සිටි පරිදිම වැඩකටයුතු සිදු කළේ ය. 1987 ජූලි මාසයේ දී ජේ. ආර්. ජයවර්ධන පාලනය විසින් ඉන්දීය අග‍්‍රාමාත්‍ය රජීව් ගාන්ධි සමග ඉන්දු - ලංකා ගිවිසුම අත්සන් කළේ ය. එයට එරෙහිව නැඟී ආ දැවැන්ත ජනතා විරෝධය ජේ. ආර්. පාලනය කළේ සිය ගණනක් උද්ඝෝෂකයන් ඝාතනය කිරීමෙනි. දැවැන්ත භීෂණයක් රට තුළ මුදාහැර අත්සන් කළ මේ නීති විරෝධී ගිවිසුමට එරෙහිව රටපුරා දේශපේ‍්‍රමී ජනතා පෙළගැස්මක් නිර්මාණය විය. ඒ දේශපේ‍්‍රමී අරගලයට නායකත්වය දීමට ජ.වි.පෙ. පසුබට වූයේ නැත. මේ කි‍්‍රයාවලියේ දී අමදෝරුට ද සුවිශේෂී වැඩ කොටසක් කිරීමට සිදු විය. ඔහු මේ දේශපේ‍්‍රමී අරගලයට පණ පොවමින් සිටිය දී, 1987 අග භාගයේ දී පමණ රජයේ හමුදා විසින් අත්අඩංගුවට ගන්නා ලදී. 1987දී අත්අඩංගුවට ගත් අමදෝරු උසාවියට ගෙන එමින් සිටිය දී, හදිසි ප‍්‍රහාරයක් එල්ල කොට හමුදා අත්අඩංගුවෙන් ඔහු මුදා ගැනීමට දේශපේ‍්‍රමී කණ්ඩායම් සමත් වූහ. ඔහු එතරම්ම ව්‍යාපාරයට අවශ්‍ය පුද්ගලයකුව සිටි බව පැහැදිලිය. එසේ නිදහස් කර ගත් අමදෝරු 1988දී ජ.වි.පෙ. කෑගල්ල දිස්ති‍්‍රක් ලේකම්වරයා ලෙස පත් කළේ ය. කෑගල්ල දිස්ති‍්‍රක්කයේ අමදෝරු ප‍්‍රසිද්ධ වූයේ ආරි අයියා යන ආදර නාමයෙනි. ඔහු කෑගල්ල දිස්ති‍්‍රක්කයේ පක්ෂයේ වගකීම් ඉටු කළේ දරුණු රාජ්‍ය මර්දනයක් දියත්ව තිබිය දී ය. මේ කාලයේ පොලිස් නිලධාරියෙකු පක්ෂයට සම්බන්ධ වී සිටියේ ය. ඔහු පක්ෂයේ වැඩකටයුතුවලට පහසුකම් සපයන්නෙකු ලෙස කටයුතු කළේ ය. ඔහුගේ නිවස පිහිටියේ රඹුක්කන ප‍්‍රදේශයේ ය. 1989 අගෝස්තු 31 වැනි දින පක්ෂයේ කෑගල්ල දිස්ති‍්‍රක් කමිටුව මෙම පොලිස් නිලධාරියාගේ නිවසේ පැවැත්වීමට කටයුතු යොදා තිබිණි. මෙම දිස්ති‍්‍රක් කමිටුව පැවැත්වෙමින් තිබිය දී එම ස්ථානයට කඩා වැදුණු ආරක්ෂක අංශ විසින් අමදෝරු ඇතුළු මුළු දිස්ති‍්‍රක් කමිටුවම අත්අඩංගුවට ගනු ලැබී ය. එසේ ආරක්ෂක අංශවලට තොරතුරු සපයා ඇත්තේ නිවස හිමි පොලිස් නිලධාරියා බව පැවසේ. අමදෝරු අත්අඩංගුවට ගෙන මත්තේගොඩ හමුදා කඳවුරට රැුගෙන ගොස් ඇත. ආරි අයියා ලෙසින් පෙනී සිටින්නේ පක්ෂයේ ප‍්‍රබලයෙකු බව මේ වන විට ආරක්ෂක අංශ වෙත වාර්තා වී තිබිණි. ආණ්ඩුවේ දැනුම්වත්කමින් පක්ෂයේ ඉහළම නායකයෙකු අත්අඩංගුවට ගත් පළමු අවස්ථාව ලෙසින් ද මෙය හඳුන්වා දිය හැකි ය. මීට පෙර සුමිත් අතුකෝරල අත්අඩංගුවට ගෙන මරා දැමුව ද, අත්අඩංගුවට ගන්නා විට කිසිවෙකු ඔහු පක්ෂයේ ඉහළ සාමාජිකයෙකු බව දැන සිටියේ නැත. එහෙත්, අමදෝරු අත්අඩංගුවට ගත්තේ සියලූ තොරතුරු දැනගෙන ය. නන්දතිලක අමදෝරු ගලප්පත්ති සෑහෙන කාලයක් අනේකවිධ වධබන්ධනයන්ට ලක් කරමින්, රඳවා තබාගෙන ප‍්‍රශ්න කළ ද, ආරක්ෂක සාමාජිකයන්ට කිසිවක් ඔහුගෙන් හෙළිදරව් කර ගැනීමට නොහැකි විය. ඔහු තෝරා ගත්තේ පාවා දීමේ මාවත නොව අරගලය ආරක්ෂා කිරීමේ මාවතයි. ඔහුගෙන් කිසිවක් හෙළිදරවු කර ගත නොහැකි බව අවබෝධ කර ගැනීමෙන් අනතුරුව රජයේ මිනීමරු හමුදා විසින් විවිධ වධබන්ධනයන්ට ලක් කොට ඔහු මරා දමන ලදී. නන්දතිලක අමදෝරු ගලප්පත්ති පක්ෂයේ පූර්ණකාලීන දේශපාලනයේ නිරත වූ ප‍්‍රබල කලා හිතකාමියෙකු ද වූ බව මෙහිලා පැවසිය යුතුම කරුණකි. ‘විමුක්ති ගී’ ප‍්‍රසංගයේ සඳහන් වන ”සතිපූජා දරසෑයේ හිර වී මොට්ටැක්කිලියේ...” යන ගීතයේ රචකයා වන්නේ ද අමදෝරු ය. රාජ්‍ය ත‍්‍රස්තවාදය ලෙස බිහිවුණු මිනීමරු කල්ලි විසින් ලාංකීය භූමියට අසීමිත ලෙස ආදරය කළ රටත්, ජනතාවත් වෙනුවෙන් අව්‍යාජ කැප කිරීමක් කළ අනාගත පරපුරේ සුභසිද්ධිය උදෙසා යුක්තිගරුක දේශයක් නිර්මාණය කිරීම උදෙසා කැපවුණු ශ්‍රේෂ්ඨ විප්ලවවාදී විරුවන් දහස් ගණනින් අනේකවිධ වධ බන්ධනයන්ට ලක් කරමින් මරා දමන ලදී. නන්දතිලක අමදෝරු ගලප්පත්ති යනු එවන් ශ්‍රේෂ්ඨ විප්ලවාදී විරුවෙකි. ඔවුන් මරා දැමූව ද, ඔවුන් ප‍්‍රාර්ථනා කළ උස් අරමුණු මරා දැමිය නොහැකි බව මේ මොහොත වන විටත් යථාර්ථයක් වෙමින් ඇත. නන්දතිලක අමදෝරු ගලප්පත්ති ඇතුළු මරා දමන ලද විරුවන්ට යුක්තිය ඉටු කළ හැක්කේ ඔවුන් ප‍්‍රාර්ථනා කළ ගෞරවනීය දේශය ගොඩනැඟීමෙන් පමණකි.

Read more
View All Sunday News

advertisements